உள்ளாட்சியில் இவரும் தனித்துப் போட்டியாமே? - செம டஃப் கொடுப்பாரு போல!

உள்ளாட்சியில் இவரும் தனித்துப் போட்டியாமே? - செம டஃப் கொடுப்பாரு போல!

புதிய தமிழகம் கட்சியின் தலைவர் டாக்டர் கிருஷ்ணசாமி, சென்னை நுங்கம்பாக்கத்தில் உள்ள கட்சியின் தலைமை அலுவலகத்தில் செய்தியாளர்களை சந்தித்து பேசினார்.

அப்போது அவர் கூறியது:

தமிழகத்தில் உள்ளாட்சி தேர்தல் நடைபெறாமல் உள்ள 9 மாவட்டங்களுக்கான தேர்தல் தேதி அறிவிக்கப்பட்டுள்ளது.

கொரோனா ஊரடங்கு தடைகள் முழுமையாக நீக்கப்படாமல் உள்ள நிலையில் உள்ளாட்சி தேர்தல் தேதி அறிவிக்கப்பட்டுள்ளது. கடந்த சட்டமன்ற தேர்தல் நேரத்தில் கொரோனா பாதிப்பு அதிகமானது.

எனவே தற்போது மூன்றாவது அலை ஏற்பட வாய்ப்பு உள்ள நிலையில் தேர்தல் நடத்துவது உகந்ததாக இல்லை. எனவே மாநில அரசு தேர்தலை சற்று ஒத்திவைக்க எடுக்க வேண்டிய நடவடிக்கைகளை மேற்கொள்ள வேண்டும்.

உள்ளாட்சி தேர்தலில் புதிய தமிழகம் கட்சி தனித்துப் போட்டியிட உள்ளது. உள்ளாட்சி தேர்தலில் வெற்றி வாய்ப்பு உள்ள இடங்களில் போட்டியிட உள்ளோம்,அதற்கான விருப்ப மனுவை நாளையும் (செப்.17), நாளை மறுநாளும்(செப்.18) பெற்றுக் கொள்ளலாம்.

தமிழகத்தில் நீட் தேர்வை பற்றி தவறுதலான கருத்தை பதிவு செய்யப்பட்டு வருவதே தொடர் மாணவர்கள் தற்கொலைக்கு காரணமாக இருந்து வருகிறது.

நீட் தேர்வு மாணவர்களுக்கு பாதிப்பை ஏற்படுத்துகிறதா என்பதை கடந்து தமிழகத்தில் அது அரசியல் சார்ந்த ஒரு புள்ளியாக மட்டுமே உள்ளது.