குழந்தை திருமணங்கள் பயங்கர உயர்வு.. இந்த மாநிலம்தான் முதலிடம்!

குழந்தை திருமணங்கள் பயங்கர உயர்வு.. இந்த மாநிலம்தான் முதலிடம்!

தேசிய குற்றப் பதிவாணையம் வெளியிட்டுள்ள அண்மைத் தகவல்களின்படி, 2020ஆம் ஆண்டில் முந்தைய ஆண்டைக் காட்டிலும் குழந்தைத் திருமண வழக்குகளின் எண்ணிக்கை 50 விழுக்காடு உயர்ந்துள்ளதாக தெரியவந்துள்ளது.

எனினும், குழந்தை திருமணங்கள் அல்லாமல் அதுகுறித்த புகார்கள் அதிகரித்துள்ளதாக நிபுணர்கள் கூறுகின்றனர். தேசிய குற்றப் பதிவாணையத்தின் தகவல்படி, 2020ஆம் ஆண்டில் குழந்தைத் திருமண தடுப்புச் சட்டத்தின் கீழ் நாடு முழுவதும் 785 வழக்குகள் பதியப்பட்டுள்ளன.

இதில் அதிகபட்சமாக கர்நாடகத்தில் 184 வழக்குகள் பதிவாகியுள்ளன. அடுத்தடுத்த இடங்களில் அசாமில் 138 வழக்குகள், மேற்கு வங்கத்தில் 98 வழக்குகள், தமிழ்நாட்டில் 77 வழக்குகள், தெலங்கானாவில் 62 வழக்குகள் பதிவாகியுள்ளன.

18 வயதுக்குட்பட்ட ஒரு பெண்ணுக்கோ, 21 வயதுக்குட்பட்ட ஒரு ஆணுக்கோ திருமணம் நடத்தப்பட்டால் அது குழந்தை திருமணம் என இந்திய சட்டம் கூறுகிறது. எனினும், குழந்தைத் திருமணங்களின் எண்ணிக்கை கணிசமாக உயர்ந்திருக்க வாய்ப்பில்லை எனவும், குழந்தை திருமணங்கள் குறித்த புகார்களின் எண்ணிக்கை அதிகரித்திருக்கலாம் என்கின்றனர் நிபுணர்கள்.

குழந்தைத் திருமணங்கள் பெண் குழந்தைகளுக்கு ஆபத்தானது எனவும், இதனால் பெண் குழந்தைகளின் கல்வி பாதிக்கப்படுவது மட்டுமல்லாமல் அவர்களின் உடல்நலம் மற்றும் மனநலம் பாதிக்கப்படும் என நிபுணர்கள் எச்சரிக்கின்றனர்.