குப்பை மூட்டைகளை மீண்டும் பீச்சிலேயே விட்டுச் சென்ற பாஜகவினர் - பெசன்ட் நகர் பரிதாபம்

குப்பை மூட்டைகளை மீண்டும் பீச்சிலேயே விட்டுச் சென்ற பாஜகவினர் - பெசன்ட் நகர் பரிதாபம்

''தரணி போற்றும் தங்கத்தலைவன்... தேசத்தை உயிர் மூச்சாய் சுவாசிக்கும் தலைவன்... தேசமக்களால் நேசித்து பூஜிக்கப்படும் தலைவன்... அகவை நாள் 71 ல் வாழ்த்துவோம்‌ வாழிய வாழியவென்றே'' என்று பிரதமர் நரேந்திரமோடிக்கு பாஜக மாநில தலைவர் அண்ணாமலை வாழ்த்து தெரிவித்துள்ளார்.

பிரதமர் நரேந்திரமோடி இன்று தனது 71-வது பிறந்தநாளை கொண்டாடுகிறார். நாடு முழுவதும் பாஜகவினர் சார்பில் மோடியின் பிறந்தநாளை விமர்சையாக கொண்டாடி வருகின்றனர். நாடு முழுவதும் உள்ள பாஜக தொண்டர்கள் மோடியின் பிறந்தநாளை இனிமேல் 'சேவை மற்றும் சமர்ப்பணம்' தினமாக கொண்டாட திட்டமிட்டுள்ளனர்.

மேலும், இன்று ஒரே நாளில் 1.50 பேருக்கு தடுப்பூசி செலுத்தவும் திட்டமிட்டுள்ளனர். அந்த வகையில், தமிழகத்தில் மோடியின் பிறந்தநாளை முன்னிட்டு சென்னை பெசன்ட் நகர் பீச்சில் உள்ள குப்பைகளை அகற்றும் நிகழ்ச்சி மாநில தலைவர் அண்ணாமலை தலைமையில் நடந்தது.

அப்போது ஒன்றிய இணையமைச்சர் முருகனும் இளைஞர்களும் கலந்துகொண்டனர். பெசன்ட்நகர் கடற்கரையில் தமிழக பாஜகவினர் குப்பைகள் சேகரித்து, புகைப்படம் எடுத்த பிறகு சேகரித்த குப்பை மூட்டைகளை மீண்டும் கடற்கரையிலேயே விட்டுச் சென்றனர். அது தொடர்பான புகைப்படங்கள் இணையத்தில் வெளியாகி விமர்சனங்களை பெற்று வருகிறது.