ராஜ்யசபா எம்.பி.,யாக எல்.முருகன் பதவியேற்பு - தமிழில் பதவியேற்று கொண்டார்!
ராஜ்யசபா எம்.பி.,யாக மத்திய அமைச்சர் எல். முருகன் பதவி ஏற்றுக் கொண்டார்
மத்திய அமைச்சராக இருந்த தாவா்சந்த் கெலாட், கா்நாடக மாநில ஆளுநராக நியமிக்கப்பட்டதை அடுத்து, மத்திய பிரதேச மாநிலத்தில் இருந்து மாநிலங்களவைக்கு தேர்ந்தெடுக்கப்பட்ட இடம் காலியானது. மத்திய பிரதேச மாநிலத்தில் காலியாக உள்ள நாடாளுமன்ற மாநிலங்களவை பதவிக்கான வேட்பாளராக, தமிழகத்தைச் சேர்ந்த மத்திய இணை அமைச்சர் எல்.முருகன் போட்டியிடுகிறார் என்று, டெல்லி பா.ஜ.க., தலைமை அறிவித்தது.
இதை அடுத்து, மத்திய பிரதேச மாநிலங்களவை தேர்தலில் போட்டியிடுவதற்காக, அம்மாநில முதலமைச்சர் சிவ்ராஜ் சிங் சவுகான் முன்னிலையில், கடந்த 21 ஆம் தேதி மத்திய இணை அமைச்சர் எல்.முருகன் வேட்புமனு தாக்கல் செய்தார். அந்த இடத்துக்கான இடைத்தேர்தல், அண்மையில் நடைபெற்ற நிலையில், வேறு யாரும் மனு தாக்கல் செய்யாததால், நாடாளுமன்ற மாநிலங்களவைக்கு எல். முருகன் போட்டியின்றி தேர்வு செய்யப்பட்டாா்.இந்நிலையில், தலைநகர் டெல்லியில், நாடாளுமன்ற மாநிலங்களவை உறுப்பினராக, மத்திய இணை அமைச்சர் எல். முருகன் பதவி ஏற்றுக் கொண்டார். அவர், தமிழில் பதவி ஏற்றுக் கொண்டார். இதே போல், அசாம் மாநிலத்தில் இருந்து மாநிலங்களவை உறுப்பினராக போட்டியின்றி தேர்வு செய்யப்பட்ட மத்திய அமைச்சர் சர்பானந்த சோனோவாலும் மாநிலங்களவை உறுப்பினராக பதவி ஏற்றுக் கொண்டார்.
இரண்டு பேருக்கும் குடியரசுத் துணைத் தலைவரும், மாநிலங்களவைத் தலைவருமான வெங்கையா நாயுடு பதவிப் பிரமாணம் செய்து வைத்தார். பிரதமர் நரேந்திர மோடி தலைமையிலான மத்திய அமைச்சரவை விரிவாக்கம் செய்யப்பட்ட போது, கப்பல், துறைமுகங்கள், ஆயுஷ் துறை அமைச்சராக எல். முருகன் நியமிக்கப்பட்டாா் என்பது குறிப்பிடத்தக்கது.
No comments:
Post a Comment