பிக்பாஸ் பார்த்துட்டு விஜய் என்ன சொன்னார் தெரியுமா..?: உண்மையை போட்டுடைத்த சஞ்சீவ்!

பிக்பாஸ் பார்த்துட்டு விஜய் என்ன சொன்னார் தெரியுமா..?: உண்மையை போட்டுடைத்த சஞ்சீவ்!

தனக்காக பிக்பாஸ் நிகழ்ச்சியை நடிகர் விஜய் ரெகுலராக பார்த்தததாக தெரிவித்துள்ளார் சஞ்சீவ்.

தமிழ் சின்னத்திரையில் விஜய் டிவியில் ஒளிபரப்பாகிவரும் பிரபலமான நிகழ்ச்சி பிக் பாஸ். இந்த நிகழ்ச்சியின் ஐந்தாவது சீசன் விறுவிறுப்பாக ஒளிபரப்பாகி வந்தது. அண்மையில் நிறைவடைந்த இந்த போட்டியில் ராஜு பிக்பாஸ் டைட்டில் வின்னராகவும், பிரியங்கா இரண்டாம் இடத்தையும், பாவனி மூன்றாம் இடத்தையும் பிடித்தனர்.

பிக் பாஸ் 5-வது சீசனில் இசைவாணி, ராஜு ஜெயமோகன், மதுமிதா, அபிஷேக் ராஜா, நமீதா மாரிமுத்து, பிரியங்கா, அபிநய் வாடி, சின்ன பொண்ணு, பாவனி, நாடியா சங், வருண், இமான் அண்ணாச்சி, ஐக்கி பெர்ரி, ஸ்ருதி, அக்‌ஷரா, தாமரை செல்வி, சிபி சந்திரன், நிரூப் நந்தகுமார் ஆகிய 18 போட்டியாளர்கள் பங்கேற்றனர்.

இந்த சீசனின் வைல்ட் கார்டு என்ட்ரி ஆக 50 நாட்கள் கழித்து வந்தவர் சஞ்சீவ். நடிகர் விஜய்யின் நெருங்கிய நண்பர் இவர். இந்நிலையில் பிக்பாஸ் முடிவடைந்த பின்னர் போட்டியாளர்கள் ஒவ்வொருவரும் கொடுக்கும் பேட்டி இணையத்தில் வைரலாகி வருகிறது. அந்த வகையில் பிக் பாஸ் நிகழ்ச்சிக்கு செல்லும் முன்னும், சென்று வந்த பிறகும் விஜய் தன்னிடம் என்ன கூறினார் என்பதை பற்றி வெளிப்படையாக பேசி உள்ளார் பேசியுள்ளார் சஞ்சீவ்.

அதில், விஜய் கிட்ட முதலில் சொல்லும் போது சிரிச்சான். பிக்பாஸுக்குள்ள போய் நீ சமாளிச்சுடுவீயா? என்று கேட்டான். பிறகு "கூப்பிடுறாங்க! போறேன், போயி என்னதான் நடக்குதுனு பார்ப்போம்" என்று கூறினேன். அதற்கு விஜய், "உன்னை என்னத்துக்கு கூப்பிடுறாங்க? உள்ள போயி என்ன பண்ணுவ நீ?" என்று கேட்டாராம். அதற்கு சஞ்சீவ், "முடிஞ்ச அளவுக்கு ஜாலியா இருப்பேன், ஏதாச்சு பிரச்சினைன நம்மளும் பண்ண வேண்டியது தான்" என்று பதில் கூறினாராம்.

அதன் பின்னர் "என்ன தோணுதோ அதை பண்ணி ஒரு கலக்கு கலக்கிட்டு வா! ஆல் தி பெஸ்ட்" என்றாராம் நண்பரான விஜய். பிக்பாஸ் வீட்டை விட்டு வெளியே வந்ததும் "நீ உள்ளே போன போது எப்படி போனீயோ அது வேற. நீ வெளிய வரும் போது ரொம்ப நல்ல பெயரோட வெளிய வந்து இருக்கனு எல்லாருமே சொல்றாங்க. நீ போனதால நானும் ஷோவை கொஞ்சம் ரெகுலரா பார்த்தேன். உன் கேம் நல்லா இருந்துச்சு" என்றும் கூறியுள்ளாராம்.