திமுகவுடன் கூட்டணி இல்லை.. காங்கிரஸ் தனித்துப் போட்டி! - TAMIL BOOKS FREE PDF

tamil books and story reading portal

Post Top Ad

Wednesday, February 2, 2022

திமுகவுடன் கூட்டணி இல்லை.. காங்கிரஸ் தனித்துப் போட்டி!

திமுகவுடன் கூட்டணி இல்லை.. காங்கிரஸ் தனித்துப் போட்டி!



பெரம்பலூரில் உள்ளாட்சி தேர்தலில் தனித்துப் போட்டியிட காங்கிரஸ் முடிவு.
தமிழகத்தில் உள்ள 21 மாநகராட்சிகள், 138 நகராட்சிகள், 490 பேரூராட்சிகளில் பிப்ரவரி 19ஆம் தேதி உள்ளாட்சி தேர்தல் நடைபெறவுள்ளது. இதற்காக திமுக, அதிமுக கூட்டணிகளில் பேச்சுவார்த்தை நடைபெற்று வருகிறது.
ஏற்கெனவே அதிமுக கூட்டணியில் அதிமுக - பாஜக இடையே உடன்பாடு ஏற்படாமல் தனித்து போட்டியிட பாஜக முடிவு செய்துவிட்டது. இதேபோல திமுக கூட்டணியில் எந்தக் கட்சியும் முழுமையாக விலகாவிட்டாலும், சில பகுதிகளில் மட்டும் உடன்பாடு இல்லை.

இந்நிலையில், பெரம்பலூர் மாவட்டத்தில் தனித்துப் போட்டியிட முடிவு செய்யப்பட்டுள்ளதாக பெரம்பலூர் மாவட்ட காங்கிரஸ் கமிட்டி தெரிவித்துள்ளது. இதுகுறித்து பெரம்பலூர் மாவட்ட காங்கிரஸ் கமிட்டி வெளியிட்டுள்ள அறிவிப்பில், “பெரம்பலூர் மாவட்டத்தில் நடைபெற உள்ள நகர்ப்புற உள்ளாட்சி தேர்தலில் இடஒதுக்கீடு தொடர்பாக காங்கிரஸ் கமிட்டி தேர்தல் பணிக்குழு, பெரம்பலூர் மாவட்ட திமுக தேர்தல் பணிக்குழுவுடன் இடஒதுக்கீடு தொடர்பாக பேச்சுவார்த்தை நடைபெற்றது.

இதில் உடன்பாடு ஏற்படாததை அடுத்து திமுக கூட்டணியில் இருந்து விலகி தனித்து போட்டியிடுவது என முடிவு செய்யப்பட்டுள்ளது” என்று தெரிவித்துள்ளது. திமுக - காங்கிரஸ் கூட்டணி வலுவாக உள்ள நிலையில், பெரம்பலூரில் காங்கிரஸ் தனித்து போட்டியிட முடிவு செய்துள்ளது பரபரப்பை ஏற்படுத்தியுள்ளது.

No comments:

Post a Comment

Post Top Ad