கோரிக்கை வைத்த தாய்... மின்னல் வேகத்தில் செயல்படுத்திய முதல்வர்!

கோரிக்கை வைத்த தாய்... மின்னல் வேகத்தில் செயல்படுத்திய முதல்வர்!

சில மாதங்களுக்கு முன்பு பேரறிவாளனின் பரோல் முடிந்து புழல் சிறையில் அடைக்க சென்னைக்கு அழைத்துச் செல்லும் வழியில், வாணியம்பாடி அருகே அழைத்து பரோல் நீடிக்கப்பட்டு வீட்டிற்கு அழைத்து வந்தது குறிப்பிடத்தக்கது

மறைந்த முன்னாள் பிரதமர் ராஜீவ் காந்தி கொலை வழக்கில் சுமார் 30 ஆண்டுகளுக்கு மேலாக சிறை தண்டனை அனுபவித்து வரும் பேரறிவாளன் அவருடைய தாயார் அற்புதம்மாள் கடந்த மே மாதம் தமிழக முதலமைச்சருக்கு

கோரிக்கை ஒன்றை வைத்தார்.

அந்தக் கோரிக்கையில் புழல் சிறையில் கொரானா தொற்று பாதிப்பு அதிகமாக இருப்பதாலும் தன் மகன் பேரறிவாளனுக்கு சிறுநீரக தொற்று உள்ளது எனக்கூறி தனது மகனுக்கு நீண்ட நாள் விடுப்பு வேண்டும் என்று கூறியிருந்தார்.

அதனை ஏற்று தமிழக முதலமைச்சர் ஸ்டாலின் மே மாதம் முதலில் 30 நாட்கள் பரோல் வழங்கி உத்தரவிட்டார்.

அதனைத் தொடர்ந்து சென்னை புழல் சிறையில் இருந்து பேரறிவாளன் பலத்த போலீஸ் பாதுகாப்புடன் ஜோலார்பேட்டையில் உள்ள அவரது வீட்டிற்கு அழைத்து வரப்பட்டார்.மேலும் சில மாதங்களுக்கு முன்பு பேரறிவாளனின் பரோல் முடிந்து புழல் சிறையில் அடைக்க சென்னைக்கு அழைத்துச் செல்லும் வழியில் வாணியம்பாடி அருகே அழைத்து பரோல் நீடிக்கப்பட்டு வீட்டிற்கு அழைத்து வந்தது குறிப்பிடத்தக்கதுஅதனைத் தொடர்ந்து பேரறிவாளன் வயிறு சம்பந்தமான பிரச்சனையின் காரணமாக வேலூர் அடுக்கம்பாறை மருத்துவமனையில் சிடி ஸ்கேன் எடுக்க மருத்துவமனைக்குச் சென்று வந்தது குறிப்பிடத்தக்கது.

இந்த நிலையில் கடந்த மே மாதம் 28முதல் தற்போது வரை பேரறிவாளன் சுமார் 8 மாத காலமாக வீட்டிலேயே இருந்து கொரானா தடுப்பூசி மற்றும் பல்வேறு உடல் ரீதியான நோய்களுக்கு சிகிச்சை பெற்று வந்தது குறிப்பிடத்தக்கது.

இந்த நிலையில் தாயார் அற்புதம்மாள் தமிழக அரசு மேலும் ஒரு மாத காலம் உடல்நிலை சரி இல்லை என்ற காரணத்தை காட்டி பேரறிவாளனுக்கு பரோல் வழங்க வேண்டும் என்று கூறியதன் அடிப்படையில் மேலும் ஒரு மாத காலம் வரை நீட்டிக்கப்பட்டுள்ளது.எனவே தற்போது வரை சுமார் 9 மாத காலமாக பேரறிவாளனுக்கு பரோல் வழங்கப்பட்டது குறிப்பிடத்தக்கது.