தமிழ்நாட்டில் எந்தெந்த மாவட்டங்களில் மழை? வெளியானது அறிவிப்பு!

தமிழ்நாடு, புதுச்சேரிக்கான வானிலை முன் அறிவிப்பு வெளியாகியுள்ளது.

தமிழ்நாட்டில் அடுத்த ஐந்து நாள்களுக்கான மழை குறித்த முன் அறிவிப்பு வெளியிடப்பட்டுள்ளது.

மன்னார் வளைகுடா மற்றும் அதனை ஒட்டியுள்ள பகுதியின் மேல் நிலவும் வளிமண்டல கீழடுக்கு சுழற்சியின் காரணமாக, 07.03.2022: தமிழகம் மற்றும் புதுவை, காரைக்கால் பகுதிகளில் ஒரு சில இடங்களில் இடிமின்னலுடன் கூடிய லேசானது முதல் மிதமான மழை பெய்யக்கூடும்.

08.03.2022: தென் தமிழகம் மற்றும் மேற்கு தொடர்ச்சி மலையை ஒட்டிய மாவட்டங்களில் ஓரிரு இடங்களில் லேசானது முதல் மிதமான மழை பெய்யக்கூடும்.

09.03.2022 முதல் 11.03.2022 வரை: தமிழகம் மற்றும் புதுவை, காரைக்கால் பகுதிகளில் பெரும்பாலும் வறண்ட வானிலையே நிலவும்.

சென்னையை பொறுத்தவரை அடுத்த 24 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் சில இடங்களில் லேசான மழைபெய்ய வாய்ப்புள்ளது. அதிகபட்ச வெப்பநிலை 32 டிகிரி செல்சியஸ் மற்றும் குறைந்தபட்ச வெப்பநிலை 25 டிகிரி செல்சியஸை ஒட்டி இருக்கும்.

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 32 டிகிரி செல்சியஸ் மற்றும் குறைந்தபட்ச வெப்பநிலை 24 டிகிரி செல்சியஸை ஒட்டி இருக்கும்.

கடந்த 24 மணி நேரத்தில் பதிவான மழை அளவு (சென்டிமீட்டரில்):

மயிலாடுதுறை, சீர்காழி (மயிலாடுதுறை) தலா 5, மதுக்கூர் (தஞ்சாவூர்), சிதம்பரம் (கடலூர்) தலா 4, அதிராமபட்டினம் (தஞ்சாவூர்), நெய்வாசல் தென்பாதி (தஞ்சாவூர்), அண்ணாமலை நகர் (கடலூர்), மன்னார்குடி (திருவாரூர்) , திருத்துறைப்பூண்டி (திருவாரூர்), காரைக்கால், வேளாங்கண்ணி (நாகப்பட்டினம்) தலா 3, நீடாமங்கலம் (திருவாரூர்), நாகப்பட்டினம், புவனகிரி (கடலூர்), பரங்கிப்பேட்டை (கடலூர்), மஞ்சளாறு (தஞ்சாவூர்), திருவாரூர், திருவிடைமருதூர் (தஞ்சாவூர்), ஒர்த்தநாடு (தஞ்சாவூர்), கடலூர் தலா 2,

திருப்பூண்டி (நாகப்பட்டினம்), மரக்காணம் (விழுப்புரம்), மகாபலிபுரம் (செங்கல்பட்டு), மணல்மேடு (மயிலாடுதுறை), காட்டுமன்னார் கோயில் (கடலூர்), நன்னிலம் (திருவாரூர்), வலங்கைமான் (திருவாரூர்) , பெருஞ்சாணி அணை (கன்னியாகுமரி) , புதுச்சேரி, திருக்கழுக்குன்றம் (செங்கல்பட்டு), பண்ருட்டி (கடலூர்), குறிஞ்சிப்பாடி (கடலூர்), பட்டுக்கோட்டை (தஞ்சாவூர்), வனமாதேவி (கடலூர்), புத்தனார் அணை (கன்னியாகுமரி) தலா 1.

மீனவர்களுக்கான எச்சரிக்கை: ஏதுமில்லை.” என்று தெரிவிக்கப்பட்டுள்ளது.