என்னது இவங்களுக்கெல்லாம் 2000 ரூபாய் கொரோனா நிவாரணம் கிடையாதா?

என்னது இவங்களுக்கெல்லாம் 2000 ரூபாய் கொரோனா நிவாரணம் கிடையாதா?

அரிசி ரேஷன் அட்டைதாரர்களுக்கு கொரோனா நிவாரண நிதி முதல் தவணையாக 2,000 ரூபாய் வழங்கப்பட உள்ளது.

மே மாதம் 15 ஆம் தேதி(சனிக்கிழமை) முதல் நிவாரண நிதி வழங்கப்பட உள்ள நிலையில், இதுதொடர்பாக சென்னை உயர் நீதிமன்றத்தில் அதிரடியான ஒரு மனு தாக்கல் செய்யப்பட்டுள்ளது.

திருச்செந்துாரைச் சேர்ந்த வழக்கறிஞர் ராம்குமார் ஆதித்தன் என்பவர் தாக்கல் செய்துள்ள இந்த மனுவில், ' .மத்திய, மாநில அரசு ஊழியர்கள் பலரும் அரிசிக்கான ரேஷன் அட்டையை வைத்துள்ளனர்.

ஊரடங்கு அறிவிக்கப்பட்டாலும் அரசு ஊழியர்களுக்கு எப்போதும்போல் சம்பளம் வந்து விடுகிறது. ஆனால் அதேசமயம் மற்றொரு தரப்பு மக்கள், அன்றாடம் உணவுக்கே வழியின்றி தவித்து வருகின்றனர். எனவே அனைத்து அரிசி ரேஷன் கார்டுதாரர்களுக்கும் நிவாரணம் கொடுப்பதற்கு, இது உகந்த நேரம் அல்ல.

மருத்துவ உட்கட்டமைப்புக்காக தற்போது கணிசமான நிதி தேவைப்படுகிறது. ஆக்சிஜன் உற்பத்தி மையங்களை அதிகரிப்பது, கொரோனா சிகிச்சைக்கு கூடுதல் படுக்கை வசதிகளை ஏற்படுத்துவது போன்றவைதான் தற்போது முக்கியம்.

எனவே அரசு பணியாளர்கள், பொதுத் துறை நிறுவனங்களின் ஊழியர்கள், ஓய்வூதியம் பெறுபவர்கள் ஆகியோருக்கு கொரோனா நிவாரணம் வழங்க தடை விதிக்க வேண்டும் ஊரடங்கால் வருமானம் இழந்தவர்களுக்கு மட்டும் நிவாரணம் அளிக்க உத்தரவிட வேண்டும்' என்று அந்த மனுவில் தெரிவிக்கப்பட்டுள்ளது.

உயர் நீதிமன்ற தலைமை நீதிபதி சஞ்ஜிப் பானர்ஜி, நீதிபதி செந்தில்குமார் ராமமூர்த்தி ஆகியோர் அடங்கிய முதல் அமர்வில் இந்த மனு விசாரணைக்கு வந்தது. மனுவுக்கு பதிலளிக்க தமிழக அரசுக்கு உத்தரவிட்டு, விசாரணையை ஜூன் மூன்றாம் வாரத்துக்கு நீதிபதிகள் ஒத்திவைத்தனர்.