கொண்டாட்டங்கள் வேண்டாம்.. பாஜக ஸ்ட்ரிக்ட் அட்வைஸ்!
2014ஆம் ஆண்டு பிரதமர் நரேந்திர மோடி தலைமையில் மத்திய அரசு அமைந்தது. பின்னர் 2019ஆம் ஆண்டில் மீண்டும் வெற்றிபெற்று பிரதமராக பதவியை தொடர்கிறார். மோடி அரசின் ஏழாம் ஆண்டு நிறைவு தினம் மே 30ஆம் தேதி வருகிறது.
கொரோனா கொள்ளை நோயால் நாடே அவதிப்பட்டு வரும் நிலையில், மோடி அரசின் நிறைவு ஏழாம் ஆண்டு நிறைவு தினத்தை கொண்டாடும் வகையில் நிகழ்ச்சிகளை நடத்த வேண்டாம் என பாஜக முடிவு செய்துள்ளது. கொண்டாட்டங்களுக்கு பதிலாக, கொரோனாவால் உயிரிழந்தவர்களின் குழந்தைகளுக்கு நலத்திட்டங்களை வழங்க பாஜக தலைமை முடிவு செய்துள்ளது.
இதுகுறித்து பாஜக தேசிய தலைவர் ஜே.பி.நட்டா, “மே 30ஆம் தேதி மோடி அரசின் 7ஆம் ஆண்டு நினைவு தினத்தன்று, பாஜக ஆட்சியில் இருக்கும் அனைத்து மாநிலங்களிலும் கொரோனாவால் உயிரிழந்தவர்களின் பிள்ளைகளுக்கு பெரியளவில் நலத்திட்டங்களை வழங்க வேண்டும்.
கொள்ளை நோய் காலத்தில் எந்தவொரு கொண்டாட்ட நிகழ்வுகளும் நடைபெறக்கூடாது” என்று அறிவுறுத்தியுள்ளார். இந்தியாவில் கடந்த 24 மணி நேரத்தில் 2.57 லட்சம் பேருக்கு கொரோனா தொற்று உறுதியாகியுள்ளது. மேலும் 4194 பேர் உயிரிழந்துள்ளதாக மத்திய அரசு தெரிவித்துள்ளது.
No comments:
Post a Comment