முதல்வர் ஸ்டாலினை சீண்டிய கர்நாடக முதல்வர் எடியூரப்பா!
காவிரி ஆற்றின் குறுக்கே மேகேதாட்டு எனும் பகுதியில் அணை கட்ட கர்நாடக அரசு முயற்சித்து வருகிறது. இதற்கு தமிழகம் கடுமையான எதிர்ப்பு தெரிவித்து வருகிறது. அத்துடன், காவிரி மேலாண்மை வாரிய அனுமதி இல்லாமல் மேகேதாட்டுவில் அணை கட்ட முடியாது. உச்ச நீதிமன்றத்தின் உத்தரவும் இருக்கிறது.
ஆனால், மேகேதாட்டுவில் அணை கட்ட தமிழகத்தின் ஒப்புதல் தேவையில்லை எனவும் தமிழக அரசின் கருத்தை கேட்காமலேயே அடுத்த கட்ட ஒப்புதலுக்கு அனுமதி வழங்க வேண்டும் எனவும் கர்நாடக அரசு கோரி வருகிறது.
இந்த நிலையில், கர்நாடகாவில் ஆட்சி செய்யும் பாஜக அரசின் முதல்வரான எடியூரப்பா, மேகதாது திட்டம் எங்களுக்கு முக்கியமானது. மத்திய அரசு அனுமதியை பெற்று, அனுமதி அளித்ததும் திட்டம் தொடங்கப்படும் என்று பெங்களூருவில் பேட்டியளித்த போது தெரிவித்துள்ளார்.
முன்னதாக, டெல்லி சென்று பிரதமரை சந்தித்த ஸ்டாலின், தமிழ்நாட்டின் வளர்ச்சி திட்டங்கள் உட்பட 25 கோரிக்கைகளை முன்வைத்தார். அதில், மேகதாது அணை திட்டத்திற்கு அனுமதிக்கப்பட்ட அனுமதியை ரத்து செய்ய வேண்டும் அவர் வலியுறுத்தியிருந்தார்.
அதன் தொடர்ச்சியாக, மறுநாளே பாஜக ஆளும் கர்நாடக மாநில முதல்வர், மத்திய அரசு அனுமதி பெற்று மேகதாது அணையை கட்டுவோம் என்று கூறியுள்ளது பரபரப்பை ஏற்படுத்தியுள்ளது.
No comments:
Post a Comment