அமெரிக்காவில் செம ஃபிட்டா, ஹேப்பியா இருக்கும் ரஜினி: வைரல் போட்டோஸ்
சிறுநீரக மாற்று அறுவை சிகிச்சை செய்து கொண்ட பிறகு சூப்பர் ஸ்டார் ரஜினிகாந்த் அமெரிக்காவுக்கு சென்று மருத்துவ பரிசோதனை செய்து கொள்வதை வழக்கமாக வைத்திருக்கிறார். இந்நிலையில் அவர் கடந்த 19ம் தேதி அமெரிக்காவுக்கு கிளம்பிச் சென்றார்.
விமான நிலையத்தில் நடந்து சென்றபோது எடுக்கப்பட்ட புகைப்படங்களும், வீடியோவும் வெளியானது. இந்நிலையில் ரஜினிக்கு மருத்துவ பரிசோதனை நல்லபடியாக முடிந்துவிட்டது. அவர் தன் மூத்த மகள் ஐஸ்வர்யா தனுஷுடன் சேர்ந்து மருத்துவமனையில் இருந்து வெளியே வந்தபோது எடுக்கப்பட்ட புகைப்படம் வைரலானது.
ரஜினி தன் குடும்பத்தாருடன் வெஸ்ட் வெர்ஜினியா பகுதிக்கு சென்றிருக்கிறார். அங்கு அவர் ரசிகர்கள் சிலருடன் பேசிக் கொண்டிருந்தபோது எடுக்கப்பட்ட புகைப்படங்கள் வெளியாகியுள்ளது. அந்த புகைப்படங்களில் ரஜினி மகிழ்ச்சியாகவும், ஃபிட்டாகவும் தெரிகிறார். அதை பார்த்த ரசிகர்கள் மகிழ்ச்சி அடைந்து அந்த புகைப்படங்களை ஷேர் செய்து வருகிறார்கள்.
முன்னதாக தி கிரே மேன் ஹாலிவுட் படத்தில் நடிக்க மனைவி ஐஸ்வர்யா, மகன்கள் யாத்ரா, லிங்கா ஆகியோருடன் அமெரிக்காவுக்கு சென்றார் தனுஷ். படப்பிடிப்பு முடிந்தபோதிலும் ரஜினிக்காக அமெரிக்காவிலேயே தங்கினார்.
தற்போது பேரன்கள், மகள், மருமகனுடன் இருக்கிறார் ரஜினி. அமெரிக்காவுக்கு செல்லும் முன்பு அண்ணாத்த படத்தில், தான் தொடர்பான காட்சிகளை நடித்துக் கொடுத்தார்.
ஹைதராபாத்தில் இருக்கும் ராமோஜிராவ் ஃபிலிம் சிட்டியில் படப்பிடிப்பு நடந்தது. படக்குழு ரஜினியை ஒரு குழந்தையை கவனித்துக் கொள்வது போன்று பத்திரமாக பார்த்துக் கொண்டது.
அதன் பிறகு சென்னை திரும்பிய ரஜினி கொரோனா தடுப்பூசி போட்டுக் கொண்டார். மேலும் கொரோனா தடுப்பு பணிகளுக்காக ரூ. 50 லட்சம் நிதி அளித்தார்.
No comments:
Post a Comment