சிங்கங்களுக்கும் முதல்வர்தான்: ஓட்டு இல்லாட்டாலும் ஓடி வரும் முதல்வர் ஸ்டாலின்!
தமிழக முதல்வராக ஸ்டாலின் பொறுப்பேற்றதில் இருந்து அவர் எடுத்து வரும் நடவடிக்கைகள பல்வேறு தரப்பினராலும் பாராட்டப்பட்டு வருகிறது. கொரோனா தடுப்பு பணியில் அவர் காட்டும் வேகம், ஆக்ஸிஜன் பற்றாக்குறை, தடுப்பூசி தட்டுப்பாடு, மருத்துவமனைகளில் படுக்கைகள் தட்டுப்பாட்டை போக்க அவர் மேற்கொண்ட முயற்சிகள் மிகுந்த வரவேற்பை பெற்றுள்ளது.
தான் அனைவருக்குமான முதல்வர், தேர்தலில் ஓட்டுப்போடாத மக்களுக்கும் சேர்த்து பணியாற்றுவோம் என்று ஸ்டாலின் தொடர்ந்து சுட்டிக்காட்டு வருவதும், சாமானியர்களின் முதல்வராக அவர் செயல்பட்டு வருவதையும் பலரும் பாராட்டி வருவதற்கிடையே, தனது உயிரையும் பொருட்படுத்தாமல், கோவை இ.எஸ்.ஐ., மருத்துவமனையில் கொரோனா கவச உடையான பிபிஇ கிட் உடை அணிந்து கொரோனா வார்டுக்குள்ளேயே சென்று நோயாளிகளை சந்தித்து சிகிச்சைகள் குறித்து கேட்டறிந்து அவர்களுக்கு ஆறுதல் கூறினார் ஸ்டாலின்.
இதுகுறித்து முதல்வர் ஸ்டாலின் கூறுகையில், “கொரோனோ வார்டுக்குள் செல்ல வேண்டாம் என்று அக்கறை மிகுந்த அறிவுரைகள் சொல்லப்பட்டாலும், தம் உயிரையும் பணயம் வைத்துப் போராடும் மருத்துவர்கள் உள்ளிட்ட முன்களப்பணியாளர்கள், பாதிக்கப்பட்டவர்கள், அவர்தம் குடும்பத்தினருக்கு நம்பிக்கை ஊட்டவே உள்ளே சென்றேன்” என்று விளக்கம் அளித்துள்ளார்.
இந்த நிலையில், சென்னை வண்டலூரில் உள்ள உயிரியல் பூங்காவில் முதலமைச்சர் ஸ்டாலின் ஆய்வு மேற்கொண்டார். வண்டலூர் பூங்காவில் சிங்கங்களுக்கு கொரோனா தொற்று உறுதி செய்யப்பட்ட நிலையில், அங்கு ஆய்வு மேற்கொண்ட முதல்வர் ஸ்டாலின், சிங்கங்களுக்கு அளிக்கப்படும் சிகிச்சை குறித்து சுமார் 45நிமிடம் மருத்துவ குழுவிடம் ஆலோசனை நடத்தினார்.
முன்னதாக, வண்டலூர் பூங்காவில் நீலா என்ற 9 வயது பெண் சிங்கம் உயிரிழந்ததாகவும், பூங்காவில் 9 சிங்கங்களுக்கு கொரோனா பாதிப்பு கண்டறியப்பட்டுள்ளதாகவும் தெரிவிக்கப்பட்டுள்ளது. இதையடுத்து, சிங்கங்கள் தனிமைப்படுத்தப்பட்டு அவைகளுக்கு சிகிச்சை அளிக்கப்பட்டு வருகிறது.
இதையடுத்து, ஓட்டு போடாட்டா மட்டும் இல்ல, ஓட்டே இல்லாட்டாலும் ஓடி வரும் முதல்வர் ஸ்டாலின், தமிழ்நாட்டில் இருக்கும் சிங்கங்களுக்கும் முதல்வர்தான் ஸ்டாலின் என்று சமூக வலைதளங்களில் உடன்பிறப்புகள் கொண்டாடி வருகின்றனர்.
No comments:
Post a Comment