விஜயகாந்திற்கு புதிய சிக்கல்; தேமுதிகவின் எதிர்காலம் என்ன?

விஜயகாந்திற்கு புதிய சிக்கல்; தேமுதிகவின் எதிர்காலம் என்ன?

தமிழக அரசியலில் திமுக, அதிமுகவிற்கு மாற்று எனக் கருதப்பட்டது நடிகர் விஜயகாந்த் உருவாக்கிய தேமுதிக. இதன் தொடக்கம் சிறப்பாக இருந்த போதிலும் சமீபகால செயல்பாடுகள் மிகவும் ஏமாற்றம் அளிக்கின்றன. தேமுதிகவின் தொடர் தோல்வி, விஜயகாந்திற்கு ஏற்பட்ட உடல்நலக் குறைவு ஆகியவற்றால் தடம் மாறிப் போனது. விஜயகாந்தின் மனைவி பிரேமலதா மற்றும் அவரது மச்சான் சுதீஷ் ஆகியோர் கட்சியை வழிநடத்தினர். மேலும் விஜயகாந்தின் மகன் விஜய பிரபாகரன் தேமுதிகவின் பிரச்சார பீரங்கி போல அவ்வப்போது முழங்கிக் கொண்டிருக்கிறார்.

கட்சியில் குடும்ப ஆதிக்கம் தலைதூக்கவே அவர்களது செயல்பாடுகள் பிடிக்காமல் பலரும் தேமுதிகவில் இருந்து விலகி மாற்றுக் கட்சிகளில் இணைந்து வருகின்றனர். 2016ஆம் ஆண்டு மக்கள் நலக் கூட்டணியில் முதல்வர் வேட்பாளராக விஜயகாந்த் முன்னிறுத்தப்பட்டார். ஆனால் ஒரு தொகுதியில் கூட வெற்றி பெற முடியாத அளவிற்கு பலத்த அடி விழுந்தது. இதிலிருந்து அக்கட்சியால் இன்னும் மீண்டு வர முடியவில்லை. 2021ஆம் ஆண்டு சட்டமன்ற தேர்தலில் அமமுக உடன் தேமுதிக கூட்டணி வைத்தது. தேர்தல் செலவீனங்களுக்கு கட்சி தலைமையை தேமுதிகவினர் எதிர்பார்த்தனர்.