டாஸ்மாக் கடைகளை குளோஸ் பண்ண பாஜக தேனியில் போட்ட திட்டம்!
தமிழ்நாட்டில், கொரோனா 2ஆவது அலையின் தாக்கம் குறைந்து வருகிறது. இதையடுத்து, ஊரடங்கில் தளர்வுகள் அறிவிக்கப்பட்டது. அதிக பாதிப்பு உள்ள 11 மாவட்டங்களைத் தவிர்த்து ஏனைய மாவட்டங்களில் காலை 10 மணி முதல் மாலை 5 மணி வரை டாஸ்மாக் மதுபான கடைகள் செயல்படும்.
இந்த அறிவிப்புக்கு எதிர்ப்பு தெரிவித்து தமிழ்நாடு முழுவதும் பாஜக சார்பில் ஆர்ப்பாட்டம் நடத்தப்படும் எனத் தமிழ்நாடு தலைவர் எல் முருகன் அறிவித்தார்.
அதன்படி இன்று தேனியில் பாஜக அலுவலகம் முன்பு மாவட்டத் தலைவர் பிசி பாண்டியன் நகரத் தலைவர் விஜயகுமார், ஐடி பிரிவு தலைவர் மணிகண்டன் உள்ளிட்ட பாஜக நிர்வாகிகள் தொண்டர்கள் ஆர்ப்பாட்டத்தில் ஈடுபட்டனர்.
அதேபோல் மாவட்டத்தில் பல்வேறு பகுதிகளில் உள்ள பாஜக நிர்வாகிகள், தொண்டர்கள் அவரவர் வீடுகளில் முன்பு டாஸ்மாக் கடைகள் திறப்பதற்கு எதிர்ப்பு தெரிவித்து ஆர்ப்பாட்டத்தில் ஈடுபட்டனர்.
தமிழ்நாட்டில் டாஸ்மாக் கடைகளைத் திறக்கக் கூடாது, டாஸ்மாக் கடைகளை நிரந்தரமாக மூட வேண்டும் என கோஷங்கள் எழுப்பி தமிழ்நாடு அரசுக்கு எதிராக ஆர்ப்பாட்டத்தில் ஈடுபட்டனர்.
No comments:
Post a Comment