அடேயப்பா, ஒரு ஜோடி ஆட்டின் விலை ரூ 1.20 லட்சம்: நம்ம ஊர்ல தான்!
வேலூர் மாவட்டத்தில் 100 ஆண்டுகளுக்கும் மேலாக செயல்பட்டு வருகிறது கே.வி.குப்பம் சந்தை. இங்கு அருகில் உள்ள கிராமங்கள் மட்டுமல்லாமல் சித்தூர், பலமநேர் போன்ற ஆந்திர மாநிலங்களில் இருந்தும் விற்பனைக்காக ஆடுகள் கொண்டு வரப்படுகின்றன.
எப்போதும் சந்தையில் விற்பனை படு ஜோராக இருக்கும்.
விழாக்காலங்களில் கே.வி.குப்பம் ஆட்டு சந்தை மக்கள் கூட்டத்தால் நிரம்பி வழியும். பக்ரீத் தினம் என்பதால் நேற்று அதிகாலையில் இருந்தே விற்பனைக்காக கொண்டு வரப்பட்ட ஆடுகளின் எண்ணிக்கை அதிகமாக இருந்தது.வேலூர் மாவட்டத்தில் அதிகமாக விற்பனையாகும் வெள்ளாடு, செம்மறி ஆடுகளுடன் அதிக எடைகொண்ட 'நெல்லூர் ஒயிட்' வகை ஆடுகள் பக்ரீத் பண்டிகைக்காகவே அதிகளவில் விற்பனைக்காக கொண்டு வரப்பட்டிருந்ன.
ஒரு ஜோடி நெல்லூர் ஒயிட் ஆட்டின் விலை ரூ 1 லட்சத்து 20 ஆயிரம் வரை விலை போனது. சித்தூர் மாவட்டத்தில் இருந்து வந்த ஒருவரின் ஆடுகள் இந்த விலைக்கு விற்பனையாகியுள்ளது.
“நெல்லூர் ஒயிட் வகையில் 70 ஆடுகளை பெரும்பாலும் வீட்டுக்கே வந்து வாங்கிச் சென்று விட்டார்கள். 10 கிடாக்களை இந்த சந்தைக்கு கொண்டு வந்து ஜோடி ரூ ரூ.1,20,000க்கு விற்றுவிட்டேன்” என்று கூறினார்.பக்ரீத் பண்டிகையை முன்னிட்டு நேற்று ஒரே நாளில் கே.வி.குப்பம் ஆட்டு சந்தையில் சுமார் ரூ.50 லட்சம் ரூபாய்க்கு வியாபாரம் நடைபெற்றிருக்கும் என கூறப்படுகிறது.
No comments:
Post a Comment