வரும் 16ல் தி.மு.க., - எம்.பி.,க்கள் கூட்டம் - பொதுச் செயலர் துரைமுருகன் அறிவிப்பு
சென்னை அண்ணா அறிவாலயத்தில், தி.மு.க. - எம்.பி.,க்கள் கூட்டம் வரும் 16-ம் தேதி நடைபெற உள்ளதாக அக்கட்சி பொதுச் செயலாளர் துரைமுருகன் அறிவித்துள்ளார்.
நாடாளுமன்ற மழைக்காலக் கூட்டத்தொடர், வரும் 19-ம் தேதி தொடங்கி, ஆகஸ்ட் மாதம் 13ம் தேதி வரை நடைபெற உள்ளது. இக்கூட்டத்தில், பெட்ரோல், டீசல் விலை உயர்வு உள்ளிட்ட முக்கிய பிரச்னைகளை எழுப்ப காங்கிரஸ் உள்ளிட்ட எதிர்க்கட்சிகள் திட்டமிட்டுள்ளன.
இந்நிலையில் சென்னை அண்ணா அறிவாலயத்தில் தி.மு.க. - எம்.பி.,க்கள் கூட்டம் வரும் 16ம் தேதி, அக்கட்சித் தலைவர் மு.க.ஸ்டாலின் தலைமையில் நடைபெற உள்ளதாக அக்கட்சி பொதுச் செயலாளர் துரைமுருகன் அறிவித்துள்ளார்.
இது குறித்து அவர் வெளியிட்டுள்ள அறிக்கையில், நாடாளுமன்ற மழைக்காலக் கூட்டத்தொடர், வரும் 19ம் தேதி தொடங்க உள்ள நிலையில், தி.மு.க., - எம்.பி.,க்கள் கூட்டம், கட்சித் தலைவரும், முதலமைச்சருமான மு.க. ஸ்டாலின் தலைமையில் நடைபெறும் என்றும், மக்களவை மற்றும் மாநிலங்களவை உறுப்பினர்கள் தவறாது கலந்து கொள்ள வேண்டும் என்றும் அறிவிக்கப்பட்டுள்ளது.
இந்தக் கூட்டத்தில், மேகதாது அணை, தடுப்பூசி வினியோகம், மதுரை எய்ம்ஸ் உள்ளிட்ட தமிழக நலன் சார்ந்த பிரச்னைகளை நாடாளுமன்றத்தில் எழுப்ப, தி.மு.க. - எம்.பி.,க்களுக்கு முதலமைச்சர் ஸ்டாலின் அறிவுரை வழங்குவார் எனத் தெரிகிறது.
No comments:
Post a Comment