எம்பித் தேர்தல்தான் அண்ணாமலை ஐபிஎஸ் பாஜக பணியா?: சேலத்தில் சூசகம்! - TAMIL BOOKS FREE PDF

tamil books and story reading portal

Post Top Ad

Wednesday, July 14, 2021

எம்பித் தேர்தல்தான் அண்ணாமலை ஐபிஎஸ் பாஜக பணியா?: சேலத்தில் சூசகம்!

எம்பித் தேர்தல்தான் அண்ணாமலை ஐபிஎஸ் பாஜக பணியா?: சேலத்தில் சூசகம்!


தமிழக பாஜக தலைவராகப் பொறுப்பேற்கவுள்ள அண்ணாமலை, ஊர் ஊராகச் சுற்றி தனது ஆதரவை வலிமைப்படுத்தி வரும் சூழலில் சேலம் மாவட்டம் சங்ககிரிக்கு வந்து சென்றார். அங்கு பாஜகவினர் பட்டாசு வெடித்து மேளதாளங்களுடன் அவருக்கு உற்சாக வரவேற்பளித்தனர்.

தமிழ்நாட்டின் பாஜக புதிய மாநில தலைவராகப் பொறுப்பேற்கவுள்ள ஓய்வு பெற்ற ஐபிஎஸ் அதிகாரி அண்ணாமலை சேலம் மாவட்டம் சங்ககிரிக்கு வந்து சென்றார். அங்கு அவருக்குச் சேலம் மேற்கு மாவட்ட பாஜக நிர்வாகிகள் பட்டாசு வெடித்து மேளதாளங்களுடன் உற்சாக வரவேற்பளித்தனர்.

தொடர்ந்து சங்ககிரியிலுள்ள தீரன் சின்னமலை நினைவு மணிமண்டபத்தில் தீரன் சின்னமலையின் திருவுருவப்படத்திற்கு மாலை அணிவித்து மலர் தூவி மரியாதை செலுத்தினார். அதன் பின் அவர் பத்திரிகையாளர்களைச் சந்தித்து பேட்டி அளிக்கையில், பாஜக மத்திய அரசு பல்வேறு நல்ல திட்டங்களை மக்களுக்கு வழங்கி வருகிறது. ஆனால் தமிழ்நாட்டில் திமுக அரசு அதற்கு எதிராகச் செயல்பட்டு வருகிறது.

பாராளுமன்ற தேர்தலுக்குள் தமிழ்நாட்டில் பாஜக வலிமை அடையச் செய்வேன். அப்போது சேலம் மேற்கு மாவட்ட தலைவர் சுதிர் முருகன், பொதுச் செயலாளர்கள் ரவி, கலைச்செல்வன் பாலசுப்பிரமணியம் மாவட்டச் செயலாளர் ரமேஷ் கார்த்தி, உட்பட பாஜக நிர்வாகிகள் பலரும் உடனிருந்தனர்.

No comments:

Post a Comment

Post Top Ad