ஆகஸ்ட் 20 பள்ளிகள் திறப்பு? முதல்வர் வெளியிடும் அறிவிப்பு?
தமிழ்நாட்டில் அடுத்தகட்ட ஊரடங்கு குறித்து முதல்வர் மு.க.ஸ்டாலின் அதிகாரிகளுடன் ஆலோசனை நடத்தியுள்ள நிலையில் இது குறித்த அதிகாரபூர்வ அறிவிப்பு வெளியாக உள்ளது.
திமுக அரசு ஆட்சிக்கு வந்ததும் கொரோனா பரவல் வேகமாக குறைக்கப்பட்டு மக்கள் இயல்பு வாழ்க்கைக்கு திரும்பியுள்ளனர். தினசரி பாதிப்பு 36 ஆயிரம் என்ற அளவிலிருந்து 1850 என்ற அளவுக்கு வந்துள்ளது குறுகிய காலத்தில் நடந்துள்ளது.
அனைத்துப் பணிகளும் வழக்கம் போல் செயல்பட்டு வரும்நிலையில் பள்ளிகள், கல்லூரிகள், திரையரங்குகள், மதுபானக் கூடங்கள் என குறிப்பிட்டவற்றுக்கு மட்டும் தொடர்ந்து தடை நீடிக்கிறது. பாதிப்பு குறைந்துள்ளதால் பள்ளிகள், கல்லூரிகளைத் திறக்க தொடர்ந்து கோரிக்கைகள் முன்வைக்கப்படுகின்றன.
பிற மாநிலங்களில் பள்ளிகள், கல்லூரிகள் திறக்கப்பட்டுள்ளதால் தமிழ்நாட்டிலும் திறக்க முதல்வர் ஸ்டாலின் இன்று ஆலோசனை மேற்கொண்டுள்ளார். 9 முதல் 12ஆம் வகுப்பு மாணவர்களுக்கு முதலில் நேரடி வகுப்புகள் தொடங்கப்படும் என கூறப்படுகிறது. பள்ளிகளுக்கு அனைத்து ஆசிரியர்களும் ஆகஸ்ட் 2ஆம் தேதி முதல் கட்டாயம் வரவேண்டும் என உத்தரவு பிறப்பிக்கப்பட்டுள்ளது.
இந்த சூழலில் தமிழ்நாட்டில் எப்போது பள்ளிகள் திறக்கப்படும் என்பது குறித்து கோட்டை வட்டாரங்களில் விசாரித்தால் முக்கிய தகவல் ஒன்றை கூறுகிறார்கள்.தமிழகத்தில் கடந்த ஓரிரு நாள்களில் பாதிப்பு மெல்ல அதிகரிக்கிறது. இதை அரசு கணக்கில் எடுத்துக்கொள்ளும். மூன்றாவது, நான்காவது அலை என செய்திகள் வந்த வண்ணம் உள்ளன. இந்நிலையில் ஆகஸ்ட் 15ஆம் தேதிக்குள் பெற்றோர்கள், ஆசிரியர்களிடம் கருத்துக் கேட்பு கூட்டம் நடத்தி, அதன்படி முடிவெடுத்து முதல்வர் ஸ்டாலின் ஆகஸ்ட் 15ஆம் தேதி சுதந்திர தின விழா உரையில் அறிவிப்பார். அந்த வகையில் ஆகஸ்ட் 20 ஆம் தேதி 9 முதல் 12ஆம் வகுப்பு பள்ளிகள் திறக்கப்படலாம் என்று கூறுகிறார்கள்.
No comments:
Post a Comment