தமிழ்நாட்டில் வெளுக்கப்போகும் கனமழை: அடுத்த 5 நாட்கள் வானிலை நிலவரம் - TAMIL BOOKS FREE PDF

tamil books and story reading portal

Post Top Ad

Sunday, July 18, 2021

தமிழ்நாட்டில் வெளுக்கப்போகும் கனமழை: அடுத்த 5 நாட்கள் வானிலை நிலவரம்

தமிழ்நாட்டில் வெளுக்கப்போகும் கனமழை: அடுத்த 5 நாட்கள் வானிலை நிலவரம்


தமிழகத்தின் வானிலை முன்னறிவிப்பை குறித்து வானிலை ஆய்வு மைய இயக்குனர் புவியரசன் வெளியிட்டுள்ளார். அந்த செய்திக்குறிப்பில், '' வடக்கு கடலோர ஆந்திரா மற்றும் அதனை ஒட்டிய பகுதிகளில் நிலவும் வளிமண்டல மேலடுக்கு சுழற்சி மற்றும் தென்மேற்கு பருவ காற்று காரணமாக தமிழ்நாட்டில் இன்று (18.07.2021) நீலகிரி, கோயம்புத்தூர், தேனி, ஈரோடு, திருப்பூர், சேலம், தர்மபுரி, கிருஷ்ணகிரி, திருப்பத்தூர், வேலூர், ராணிப்பேட்டை மாவட்டங்களில் ஓரிரு இடங்களில்
இடி மின்னலுடன் கூடிய கனமழையும், ஏனைய மேற்கு தொடர்ச்சி மலையை ஒட்டிய (திண்டுக்கல், தென்காசி) மாவட்டங்கள் ,வடக்கு கடலோர மாவட்டங்கள், புதுவை, காரைக்கால் பகுதிகளில் ஒரு சில இடங்களில் இடியுடன் கூடிய லேசானது முதல் மிதமான மழையும், தென் மாவட்டங்களில் ஒரு சில இடங்களில் லேசான மழையும் பெய்ய கூடும்.
நாளை நிலவரம்

நாளை (19.07.2021) கோயம்புத்தூர், தேனி, நீலகிரி ,சேலம் மாவட்டங்களில் ஓரிரு இடங்களில் இடியுடன் கூடிய கன மழையும், ஏனைய மேற்கு தொடர்ச்சி மலையை ஒட்டிய திண்டுக்கல் ,தென்காசி மாவட்டங்கள் ,ஈரோடு ,திருப்பூர், தர்மபுரி ,கிருஷ்ணகிரி, வேலூர், ராணிப்பேட்டை, திருப்பத்தூர், திருவள்ளூர் மாவட்டங்களில் ஓரிரு இடங்களில் இடியுடன் கூடிய லேசானது முதல் மிதமான மழை பெய்யக்கூடும்.

நாளை மறுநாள் (20.07.2021) கோயம்புத்தூர், நீலகிரி, தேனி மாவட்டங்களில் ஒரு சில இடங்களில் இடி மின்னலுடன் கூடிய கனமழையும், சேலம் ,கிருஷ்ணகிரி ,திருப்பத்தூர் ,வேலூர் மாவட்டங்களில் இடி மின்னலுடன் கூடிய லேசானது முதல் மிதமான மழையும் பெய்ய கூடும்.

லேசானது முதல் மிதமான மழை

வருகிற 21 மற்றும் 22ம் தேதிகளில் கோயமுத்தூர், நீலகிரி, தேனி மாவட்டங்களில் ஒரு சில இடங்களில் கன மழையும், ஏனைய மேற்கு தொடர்ச்சி மலையை ஒட்டிய (நீலகிரி, கோயம்புத்தூர், தேனி, திண்டுக்கல், தென்காசி) மாவட்டங்கள் சேலம், கிருஷ்ணகிரி ,திருப்பத்தூர் ,வேலூர் மாவட்டங்களில் லேசானது முதல் மிதமான மழையும் பெய்ய கூடும்.

சென்னையை பொருத்தவரை அடுத்த 24 மணி நேரத்திற்கு வானம் பொதுவாக மேகமூட்டத்துடன் காணப்படும் . நகரின் ஒரு சில பகுதிகளில் இடி மின்னலுடன் கூடிய லேசானது முதல் மிதமான மழை பெய்யக்கூடும். அதிகபட்ச

வெப்பநிலை 34 மற்றும் குறைந்தபட்ச வெப்பநிலை 26 டிகிரி செல்சியஸ் ஒட்டி இருக்கும்.

5 நாட்களுக்கு

இன்று முதல் வருகின்ற 22ஆம் தேதி வரை மேற்கு வங்க கடல் பகுதி, தமிழக கடலோரப் பகுதி ,மத்திய வங்கக் கடல் பகுதி, கர்நாடகா, கேரளா லட்சத்தீவு, தென்கிழக்கு அரபிக் கடல் பகுதி ,வடக்கு அரபிகடல் ,தென்மேற்கு அரபிக்கடல், மத்திய அரபிக் கடல் பகுதிகளில் பலத்த காற்று 40 முதல் 50 கிலோ மீட்டர் வேகத்தில் வீசும் என்பதால் மீனவர்கள் இந்த தேதிகளில் மீன்பிடிக்க கடலுக்கு செல்ல வேண்டாம் என்று அறிவுறுத்தப்படுகிறார்கள்”

என இவ்வாறு அதில் கூறப்பட்டுள்ளது

No comments:

Post a Comment

Post Top Ad