வெளியானது அருவி பட இயக்குனரின் வாழ் டிரெய்லர்: எதிர்பார்ப்பில் ரசிகர்கள்!

வெளியானது அருவி பட இயக்குனரின் வாழ் டிரெய்லர்: எதிர்பார்ப்பில் ரசிகர்கள்!

அருவி திரைப்படத்தின் மூலமாக தமிழ் சினிமாவை திரும்பி பார்க்க வைத்த அருண் புருஷோத்தமனின் அடுத்த படைப்பு வாழ். இந்த படத்தை சிவகார்த்திகேயன் எஸ்கே புரொடக்ஷன்ஸ் தயாரித்துள்ளது. இந்தப்படம் நேரடியாக ஓடிடியில் வரும் 16 ஆம் தேதி வெளியா உள்ளது. இந்நிலையில் இந்த திரைப்படத்தின் இசை மற்றும் டிரெய்லர் தற்போது வெளியாகியுள்ளது.

கடந்த 2017 ஆம் ஆண்டு அருண் பிரபு புருஷோத்தமன் இயக்கத்தில் அருவி படம் வெளியானது. அதிதி பாலன் நாயகியாக நடித்திருந்த இந்த திரைப்படத்தில் அஞ்சலி வரதன், கவிதாபாரதி ஆகியோர் முக்கிய கதாபாத்திரங்களில் நடித்திருந்தனர். குறைந்த பட்ஜெட்டில் உருவான இந்த திரைப்படம் வசூல் மற்றும் விமர்சனரீதியாக ரசிகர்களிடம் நல்ல வரவேற்பை பெற்றது.

இந்நிலையில் இவரின் அடுத்த படைப்பாக வாழ் திரைப்படம் சிவகார்த்திகேயனின் எஸ்கே புரொடக்ஷன்ஸ் சார்பில் உருவாகியுள்ளது. இந்த படத்தில் முற்றிலும் புது முகங்கள் நடித்துள்ளனர். பிரதீப் குமார் இசையமைப்பில் குட்டி ரேவதி, அருண் பிரபு மற்றும் பிரதீப் ஆகியோர் படத்திற்கு பாடல்கள் எழுதியுள்ளனர். சிவகார்த்திகேயன் தயாரிப்பில் ஏற்கனவே கனா, நெஞ்சமுண்டு நேர்மையுண்டு ஓடு ராஜா இரண்டு திரைப்படங்கள் வெளியானது குறிப்பிடத்தக்கது.

வாழ் திரைப்படம் ஜூலை 16 ஆம் தேதி சோனி லைவ் ஓடிடி தளத்தில் வெளியாகும் என்று படக்குழு அதிகாரபூர்வமாக அறிவித்திருக்கிறது. இந்நிலையில் இந்த திரைப்படத்தின் படத்தின் இசை மற்றும் டிரெய்லர் இன்று மாலை வெளியாகியுள்ளது. இதை முன்னிட்டு யூடிப்பில் படக்குழுவினர் உரையாடிய நிகழ்ச்சியில் நடிகர் சிவகார்த்திகேயனும் கலந்து கொண்டார். அப்போது படம் சம்பந்தமான பல சுவாரஸ்யமான தகவல்களை பகிர்ந்து கொண்டனர்.

இந்நிலையில் தற்போது வாழ் திரைப்படத்தின் டிரெய்லர் இணையத்தில் வைரலாகி வருகிறது. அருவி திரைப்படம் போல மாறுபட்ட கதையம்சம் கொண்ட திரைப்படமாக வாழ் உருவாகியுள்ளது என்பது படத்தின் டிரெய்லரிலே உறுதியாகியுள்ளது. பயணம், ஆக்ஷன், திரில்லர் என வாழ் திரைப்படம் உருவாகியுள்ளது. படத்தின் டிரெய்லர் ரசிகர்களுக்கு படம் மீதான் ஆர்வத்தை தூண்யுள்ளது என்பது குறிப்பிடத்தக்கது.