மேகதாது அணை விவகாரம்: தமிழக முதல்வர் ஸ்டாலினுக்கு கர்நாடக முதல்வர் எடியூரப்பா திடீர் கடிதம்!
மேகதாது அணை விவகாரத்தில் எதிர்ப்பு தெரிவிப்பதை, தமிழக அரசு கைவிட வேண்டுமென, கர்நாடக மாநில முதலமைச்சர் எடியூரப்பா, தமிழக முதலமைச்சர் மு.க.ஸ்டாலினுக்கு கடிதம் எழுதியுள்ளார்.
காவிரி ஆற்றின் குறுக்கே, மேகதாது பகுதியில் அணை கட்ட, கர்நாடக அரசு முயற்சித்து வருகிறது. அங்கு அணை கட்டப்பட்டு விட்டால், தமிழகத்திற்கு தண்ணீர் கிடைக்காமல் போகும் அபாயம் உள்ளது. இதனால், மேகதாது அணை கட்டுவதற்கு தமிழக அரசு கடும் எதிர்ப்பு தெரிவித்து வருகிறது. அண்மையில், டெல்லி சென்ற தமிழக முதலமைச்சர் மு.க ஸ்டாலின், பிரதமர் நரேந்திர மோடியை சந்தித்து, இத்திட்டத்திற்கு எதிர்ப்பு தெரிவித்து கோரிக்கை மனு அளித்தார்.
இதை அடுத்து, மத்திய அரசிடம் அனுமதி பெற்று மேகதாது அணையை கட்டுவோம் என, கர்நாடக மாநில முதலமைச்சர் எடியூரப்பா தெரிவித்தார். இந்த விவகாரம் சர்ச்சையை ஏற்படுத்தியது. இதைத் தொடர்ந்து, தமிழக மக்களின் நலன் கருதி மேகதாது அணையைக் கட்டக் கூடாது என, கர்நாடக மாநில முதலமைச்சர் எடியூரப்பாவுக்கு, தமிழக முதலமைச்சர்
மு.க. ஸ்டாலின் கடிதம் எழுதினார்.
காவிரி ஆணையத்தின் கூட்டத்திலும், மேகதாது அணை பிரச்னை வெடித்தது. உச்ச நீதிமன்றத்தில் வழக்கு நிலுவையில் உள்ளதால் மேகதாது அணை கட்டும் பேச்சை தற்போது எடுக்க வேண்டாம் என்றும், தமிழக அரசின் அனுமதி இல்லாமல், மேகதாது அணை கட்ட முடியாது என்றும், தமிழக அரசு சார்பில் பங்கேற்ற அதிகாரிகள் திட்டவட்டமாக தெரிவித்தனர்.
மேகதாது அணைக் கட்டுவது தமிழகத்தை பாதிக்காது. மக்கள் நலனை கருத்தில் கொண்டு, இந்த திட்டத்திற்கு தமிழகம் எதிர்ப்புத் தெரிவிக்காது என நம்புகிறேன். மேகதாது அணை திட்டத்திற்கு எதிர்ப்பு தெரிவிப்பதை தமிழக அரசு கைவிட வேண்டும்.
No comments:
Post a Comment