உள்ளாட்சி தேர்தல்.. ஈபிஎஸ் போடும் புதுக் கணக்கு.. நிர்வாகிகளுக்கு அட்வைஸ்!
சட்டமன்ற தேர்தலில் தோல்வி அடைந்ததை தொடர்ந்து உள்ளாட்சி தேர்தலுக்கு
அதிமுக தயாராகி வருகிறது. இதற்கிடையே சசிகலா அடிக்கடி ஆடியோ ரிலீஸ் செய்து குழப்பத்தை ஏற்படுத்தி வருகிறார். எனினும், சசிகலாவுடன் அதிமுக நிர்வாகிகள் தொடர்புவைத்துக்கொள்ளக்கூடாது என கட்சி தலைமை உத்தரவிட்டுள்ளது.
இந்நிலையில், உள்ளாட்சி தேர்தலில் அதிக கவனம் செலுத்த வேண்டும் என அதிமுக நிர்வாகிகளுக்கு அக்கட்சியின் துணை ஒருங்கிணைப்பாளர் எடப்பாடி பழனிசாமி அறிவுறுத்தியுள்ளார். ராயப்பேட்டையில் உள்ள அதிமுக தலைமையகத்தில் சென்னை மாவட்ட செயலாளர்களுடன் எடப்பாடி பழனிசாமி ஆலோசனை மேற்கொண்டார்.
அப்போது, உள்ளாட்சி தேர்தலை கருத்தில் கொண்டு முழு கவனத்துடன் களப்பணி செய்ய வேண்டுமென மாவட்ட செயலாளர்களுக்கு எடப்பாடி பழனிசாமி அறிவுறுத்தினார். சட்டமன்ற தேர்தலில் சென்னையில் ஒரு தொகுதியை கூட அதிமுக கைப்பற்றவில்லை.
சட்டமன்றத் தேர்தலில் சந்தித்த தோல்வியை கருத்தில் கொண்டு உள்ளாட்சி தேர்தலில் கவனமாக செயல்பட்டு வெற்றிபெற வேண்டுமென மாவட்ட செயலாளர்களுக்கு பழனிசாமி அறிவுறுத்தியதாக கூறுகின்றனர் சென்னை அதிமுக வட்டாரத்தில்.
No comments:
Post a Comment