எல்லையில் காவல் நிற்கும் வள்ளுவர்: பாதுகாக்க நடவடிக்கை எடுக்கும் சுற்றுலாத் துறை!
தமிழ்நாட்டின் வடக்கு பகுதியில் வள்ளுவர் கோட்டமும், தென் எல்லையில் திருவள்ளுவர் சிலையும் நிறுவி தமிழ்நாடே வள்ளுவனுக்குள் அடக்கம் என சொல்லாமல் சொல்லியவர் முன்னாள் முதல்வர் கலைஞர் கருணாநிதி.
கடந்த பத்தாண்டு காலமாக திமுக ஆட்சியில் இல்லாத நிலையில் இவை முறையாக பராமரிக்கப்படவில்லை என்ற குற்றச்சாட்டு எழுந்தது. தற்போது திமுக ஆட்சிக்கு வந்த நிலையில் அவற்றை புனரமைத்து பராமரிக்கும் பணிகள் நடைபெற்று வருகின்றன.
தமிழ்நாடு சுற்றுலாத்துறை அமைச்சர் மதிவேந்தன் வள்ளுவர் கோட்டம், கன்னியாகுமரி திருவள்ளுவர் சிலை, பூம்புகார் ஆகிய சுற்றுலாதளங்கள் புனரமைக்கப்படும் என்று தெரிவித்துள்ளார்.
சென்னை தலைமைச் செயலகத்தில் செய்தியாளர்களுக்கு பேட்டி அளித்த அவர், “தமிழகத்தில், மக்கள் அதிகம் கூடும் சுற்றுலா பகுதிகளை மக்கள் ரசிக்கும் வகையில் மேம்படுத்த நடவடிக்கை எடுக்கப்படும். குறிப்பாக கன்னியாகுமரி திருவள்ளுவர் சிலை, சென்னை வள்ளுவர் கோட்டம், பூம்புகார் ஆகிய சுற்றுலா பகுதிகளை புனரமைக்க, நடவடிக்கை எடுக்கப்படும்”என்று தெரிவித்தார்.
No comments:
Post a Comment