தானிஷ் சித்திக் மறைவு: முதல்வர் ஸ்டாலின் இரங்கல்..!
ராய்ட்டர்ஸ் புகைப்பட பத்திரிகையாளரான தானிஷ் சித்திக் கந்தகாரில் நடந்து வரும் மோதலை படம் பிடிக்க சென்றபோது கொல்லப்பட்ட சம்பவம் ஒட்டுமொத்த ஊடக துறையினரிடையே அதிர்ச்சியை ஏற்படுத்தியுள்ளது.
ஆப்கானிஸ்தானில் கந்தகாரில் உள்ள ஸ்பின் போல்டாக் மாவட்டத்தில் தலிபான்கள் நடத்திய தாக்குதலை படம் பிடிக்க சென்ற தானிஷ் சித்திக் நேற்று கொலை செய்யப்பட்டதாக ஆப்கானிஸ்தானை சேர்ந்த ''டோலோ நியூஸ்'' சேனல் செய்தி வெளியிட்டது. அதனை தொடர்ந்து அவரது இறப்பு உறுதி செய்யப்பட்டு அது தொடர்பான புகைப்படங்களும் வெளியாகின.
தானிஷ் சித்திக்கின் இறப்பு வெறும் செய்தி மட்டுமல்ல. அவரது இழப்பு அவரது பணிக்கான தியாகம் என்று இந்தியர்கள் பலரும் டிவிட்டரில் கண்ணீர் அஞ்சலியை செலுத்தி வருகின்றனர். உபியில் கொரோனாவால் இறந்தவர்களின் நூற்றுக்கணக்கான சடலங்களை பொது வெளியில் எரிந்து கொண்டிருக்கும் புகைப்படத்தை வான்வெளியில் இருந்து எடுத்து வெளியிட்டு கொரோனாவின் கோர முகத்தை உலகறியச் செய்தவர் தானிஷ் சித்திக்.
இந்நிலையில், இவரது மரணத்திற்கு தமிழக முதல்வர் ஸ்டாலின் இரங்கல் தெரிவித்துள்ளார். அது தொடர்பாக செய்திக்குறிப்பில், பெருந்தொற்றுகள், கலவர படுகொலைகள், மானிட துயரங்களின் அழிவுகள் போன்றவற்றை தனது கேமரா லென்ஸின் வழியாக நமக்கு கடத்திய புகைப்படக்கலைஞரான தானிஷ் சித்திக்கின் அகால மறைவை அறிந்து மனவேதனை அடைந்தேன். வன்முறையையும், தீவிரவாதத்தையும் எந்த வடிவில் இருந்தாலும் ஒழிக்க வேண்டிய செய்தியை அவரது மறைவு நமக்கு வலியுறுத்துகிறது'' என இவ்வாறு அதில் கூறப்பட்டுள்ளது.
No comments:
Post a Comment