நான் வெற்றி பெற்றவுடன் வலிமை அப்டேட்: வானதி ட்வீட்!
போனி கபூர் தயாரிப்பில் ஹெச்.வினோத் இயக்கத்தில் நடிகர் அஜித் நடிப்பில் உருவாகி வரும் படம் வலிமை. இந்த படத்தில் பாலிவுட் நாயகி ஹுமா குரேஷி நடிக்கிறார். யுவன் சங்கர் ராஜா இசையமைக்கிறார். இப்படத்தின் படப்பிடிப்பு 2019 ஆம் ஆண்டே தொடங்கியது.
கொரோனா ஊரடங்கால் படத்தின் ஷூட்டிங் நிறுத்தி வைக்கப்பட்டது.பின்பு தளர்வுகள் அறிவிக்கப்பட்டபோது படப்பிடிப்பு நடைப்பெற்றது. கிட்டத்திட்ட 2 ஆண்டுகள் ஆகியும் படத்தை பற்றிய எந்த ஒரு அப்டேட்டும் படக்குழுவினர் வெளியிடாததால் அஜித் ரசிகர்கள் ஒரு கட்டத்தில் ‘வலிமை அப்டேட்’கேட்டு ட்விட்டரில் ட்ரெண்ட் செய்ய தொடங்கினர்.
இந்நிலையில் இன்று வலிமை மோஷன் போஸ்டர் வெளியாகும் என்று அறிவிப்பு வெளியானது.அதை தொடர்ந்து #ValimaiMotionPoster என்ற ஹேஸ்டேக்கை அஜித் ரசிகர்கள் ட்ரெண்ட் செய்து கொண்டாடி வந்தனர். தற்போது வலிமை படத்தின் மோஷன் போஸ்டரை படக்குழு வெளியிட்டுள்ளது. இரண்டு ஆண்டுகளுக்கு பிறகு வலிமை மோஷன் வெளியானதால் அஜித் ரசிகர்கள் கொண்டாட்டத்தில் ஈடுப்பட்டுள்ளனர்.இந்த நிலையில், “நான் வெற்றி பெற்றவுடன் வலிமை அப்டேட் வந்து விட்டது” என்று கோவை தெற்கு தொகுதி எம்.எல்.ஏ.வும், பாஜக தேசிய மகளிரணிச் செயலாளருமான வானதி சீனிவாசன் தனது ட்விட்டர் பக்கத்தில் பதிவிட்டுள்ளார்.
No comments:
Post a Comment