கோவை போலீசார் சட்டையில் கேமரா வைத்த எஸ்பி: இனி யாரும் தப்ப முடியாது!
கோவை மாவட்டத்தில் வாகன சோதனை மற்றும் ரோந்து பணி செல்லும் காவலர்களுக்கு உடலுடன் பொருத்தக்கூடிய கேமராக்கள் வழங்கப்பட்டு வருகிறது. குடிபோதையில் வருவோர் போலீசாருடன் தகராற்றில் ஈடுபடுவது அல்லது போலீசார் பொதுமக்களிடம் அத்துமீறலில் ஈடுபடுவதைத் தடுக்கும் வகையில் இந்த கேமராக்கள் காவலர்களுக்கு வழங்கப்பட்டு வருகிறது.
அதன்படி கோவை மாவட்டத்தில் மொத்தமுள்ள 36 காவல் நிலையங்களுக்கும் இருசக்கர வாகனத்தில் ரோந்து செல்லும் காவலர்களுக்கு உடலுடன் பொருத்தக்கூடிய கேமராக்களை வழங்க மாவட்ட காவல்துறையினர் திட்டமிட்டுள்ளனர். அதன்படி முதல்கட்டமாக 15 காவல் நிலையங்களில் இருசக்கர வாகனங்களில் ரோந்து செல்லும் காவலர்களுக்கு இந்த கேமராக்களை மாவட்ட எஸ்பி செல்வ நாகரத்தினம் வழங்கினார்.
இந்த கேமராக்கள் இரவு நேரங்களிலும் துல்லியமாக வீடியோ காட்சிகளைப் பதிவு செய்யும் என்பதால் ரோந்து செல்லும் காவலர்கள் இதைப் பயன்படுத்த மாவட்ட காவல்துறை அறிவுறுத்தியுள்ளது. இதன் மூலம் பல்வேறு குற்றச் சம்பவங்கள் நடைபெறும் போது அதை வீடியோ ஆதாரமாகப் பதிவு செய்ய முடியும் என நம்பப்படுகிறது.
No comments:
Post a Comment