கோவையில் திறந்தாச்சு உழவர் சந்தை: இனி எந்த கவலையும் இல்லை!

கோவையில் திறந்தாச்சு உழவர் சந்தை: இனி எந்த கவலையும் இல்லை!

கோவை மாவட்ட கலெக்டர் சமீரன் அறிக்கை ஒன்றை வெளியிட்டுள்ளார். அந்த அறிக்கையில் கூறியுள்ளதாவது:

கொரோனா பரவல் காரணமாக கோவையில் கடந்த, மே 10ஆம் தேதி முதல் அனைத்து உழவர் சந்தைகளும் மூடப்பட்டு வண்டிகள் மூலம் நுகர்வோரிடம் அவை விற்கப்பட்டு வந்தன.

இந்த பணிகளைக் கோவை மாநகராட்சி பொறுப்பில் விற்பனை செய்யப்பட்டது. தற்போது, பாதிப்பு குறைந்து வரும் நிலையில், உழவர் சந்தைகள் நாளை(இன்று) முதல் கட்டுப்பாடுகளுடன் திறக்கலாம்.

உழவர் சந்தையில் பதிவு செய்த விவசாயிகள் ஒரு நாள் விட்டு ஒரு நாள் வந்து காய்கறிகளை விற்பனை செய்யலாம். கட்டாயம் முககவசம், தனிமனித இடைவெளி உள்ளிட்ட அனைத்து விதிமுறைகளையும் கடைப்பிடிக்கவேண்டும்.

50 சதவீத கடைகள் மட்டுமே ஒதுக்கீடு செய்யப்படவேண்டும். பொதுமக்கள் கட்டாயம் உரிய விதிமுறைகளைப் பின்பற்ற வேண்டியது அவசியம். இதனைக் கண்காணிக்க வேளாண் துறை மூலம் குழுக்கள் அமைத்து நடவடிக்கை எடுக்கப்படும். விதிமுறைகள் பின்பற்றப்படுவதை உறுதிசெய்யவேண்டியது உழவர் சந்தை நிர்வாகத்தின் பொறுப்பு.

இவ்வாறு, அவர் தெரிவித்துள்ளார்.