தமிழக கல்லூரிகள் திறப்பு: முக்கிய அறிவிப்பை வெளியிட்ட கல்வி இயக்குனர்

தமிழக கல்லூரிகள் திறப்பு: முக்கிய அறிவிப்பை வெளியிட்ட கல்வி இயக்குனர்

தமிழ்நாட்டில் உள்ள அரசு கலை மற்றும் அறிவியல் கல்லூரிகளில் சேர நாளை முதல் ஆகஸ்ட் 10ம் தேதி வரை http://tngasa.org மற்றும் http://tngasa.in ஆகிய இணைதளங்களில் விண்ணப்பிக்கலாம் என கல்லூரி கல்வி இயக்குனர் பூரணச்சந்திரன் அறிவித்துள்ளார்.

தமிழகத்தில் உள்ள 143 அரசு கலை மற்றும் அறிவியல் கல்லூரிகளில் உள்ள இளநிலை பட்டப்படிப்பு முதலாமாண்டு மாணவர்கள் சேர்க்கைக்கான (2021-2022) விண்ணப்பங்களை http://tngasa.org மற்றும் http://tngasa.in ஆகிய இணையதள முகவரிகளில் பதிவு செய்யலாம்.

இணையதள வாயிலாக விண்ணப்பிக்க இயலாத மாணவர்கள் கல்லூரி உதவி மையங்கள் மூலம் விண்ணப்பிக்க வழிவகை செய்யப்பட்டுள்ளது. இம்மையங்களின் பட்டியல் மேற்குறித்த இணையதள முகவரியில் வெளியிடப்பட்டுள்ளது.

கல்லூரிக்கு விண்ணப்ப கட்டணம் ரூ.48 என்றும் பதிவுக்கட்டணம் ரூ.2 என்றும் நிர்ணயிக்கப்பட்டுள்ளது. sc/st பிரிவினருக்கு விண்ணப்ப கட்டணம் ஏதுமில்லை ஆனால் பதிவு கட்டணம் ரூ.2 செலுத்த வேண்டும்

விண்ணப்பம் மற்றும் பதிவு கட்டணம்: விண்ணப்ப கட்டணம் மற்றும் பதிவு கட்டணத்தை விண்ணப்பதாரர்கள் டெபிட் கார்டு, க்ரெடிட் கார்டு நெட் பேங்கிங் மூலம் இணையதள வாயிலாக செலுத்தலாம். இணையதள வாயிலாக கட்டணம் செலுத்த இயலாத மாணவர்கள் கல்லூரி சேர்க்கை உதவி மையங்களில் "The Director , Directorate of collegiate education , chennai - 6 '' என்ற பெயரில் ஜூலை 26 அன்று அல்லது அதற்கு பின்னர் பெற்ற வங்கி வரைவோலை அல்லது நேரடியாகவும் செலுத்தலாம்.

மாணவர்கள் சேர்க்கை வழிகாட்டி மற்றும் கால அட்டவணையை மாணவர்கள் மேற்குறித்த இணையதளங்கள் வாயிலாக அறிந்துகொள்ளலாம்.