அரசியலில் குதிக்கும் சூப்பர் ஸ்டார்: இங்க இல்ல சீனாவில்!
ஜாக்கிசான் சீன கம்யூனிஸ்ட் கட்சியில் இணைய விரும்புவதாக தெரிவித்துள்ளார். அவருக்கு வயது 67.
சீன கம்யூனிஸ்ட் கட்சியின் நூற்றாண்டு விழா அண்மையில் கொண்டாடப்பட்டது. அதில் சீன அதிபர் ஜின்பிங் உரையாற்றினார். சீன திரைத்துறையினர் சீன அதிபரின் உரை மீதான தங்கள் கருத்தைப் பகிர்ந்துகொள்ளும் வகையிலான நிகழ்வு நடைபெற்றது. அந்த நிகழ்வில் சீன திரைப்பட சங்கத்தின் துணைத்தலைவர் ஜாக்கிசானும் கலந்து கொண்டார்.
அப்போது பேசிய அவர், “சீனா கடந்த சில ஆண்டுகளாக மிக வேகமாக முன்னேறி வருகிறது. பல நாடுகளுக்கு நான் செல்லும்போது இதை நேரடியாக உணர்ந்து ஒரு சீன குடிமகனாக பெருமை அடைந்திருக்கிறேன். ஐந்து நட்சத்திரங்கள் கொண்ட நமது சிவப்பு கொடிக்கு உலகம் முழுவதும் கிடைக்கும் மரியாதை கண்டு மெய்சிலிர்க்கிறேன்'' என்று பேசினார்
தொடர்ந்து கூறிய அவர், ''மக்களிடையே சீன கம்யூனிஸ்ட் கட்சி கொடுத்த வாக்குறுதிகளை மிக குறைந்த காலத்தில் நிறைவேற்றிக்கொண்டு வருகிறது. அதனால் நான் அக்கட்சியில் உறுப்பினராக சேர ஆர்வமாக இருக்கிறேன்'' என்று தெரிவித்திருக்கிறார்.
No comments:
Post a Comment