தானிஷ் சித்திக்கியின் உடல் டெல்லிக்கு கொண்டு வரப்பட்டது..!
ராய்டர்ஸ் நிறுவனத்தின் பிரபல புகைப்பட பத்திரிகையாளர் தானிஷ் சித்திக் கந்தகாரில் நடந்து வந்த மோதலை படம் பிடிக்க சென்றபோது கொல்லப்பட்ட சம்பவம் நாடளவில் பெரும் அதிர்ச்சியை ஏற்படுத்தியது.
அவர் எடுத்து வெளியிட்ட புகைப்படங்கள் மூலம் உலக நாடுகளை போலவே இந்தியாவிலும் கொரோனாவால் பிணங்கள் குவிந்து அதை எரியூட்ட ஏற்பட்ட சவால் வெளிச்சத்துக்கு வந்தது. மேலும், அந்த புகைப்படத்தை மேற்கோள்காட்டி
கொரோனா இறப்புகளை குறித்த செய்திகள் அனைத்து ஊடகங்களிலும் வெளிவர தொடங்கின.
இந்தியாவில் நிலவிய கொரோனா கோர தாண்டவத்தை புகைப்படங்கள் மூலம் உலகறிய செய்த தானிஷ் சித்திக்கின் இறப்புக்கு தமிழக முதல்வர் ஸ்டாலின் உள்ளிட்டோர் இரங்கல் தெரிவித்தனர்.
இதற்கிடையில், தானிஷ் சித்திக் கொலையானதற்கு, குற்றம்சாட்டப்படும் தாலிபானே குற்றத்தை மறுத்து இரங்கல் தெரிவித்தது.
இந்நிலையில், அவரது உடல் டெல்லி கொண்டு வரப்பட்டு ஜாமியா மில்லியா இஸ்லாமியா பல்கலைக்கழகத்துக்கு சொந்தமான கல்லறையில் அடக்கம் செய்யப்படும் என்று கூறப்பட்டுள்ளது. அதனை தொடர்ந்து பத்திரிகையாளர் தானிஷ் சித்திக்கியின் உடல் டெல்லிக்கு கொண்டுவரப்பட்டது.
No comments:
Post a Comment