தமிழ்நாட்டில் தியேட்டர்கள் திறக்க தடை: பொதுமக்கள் ஏமாற்றம்!

தமிழ்நாட்டில் தியேட்டர்கள் திறக்க தடை: பொதுமக்கள் ஏமாற்றம்!

கொரோனா பரவலை கட்டுக்குள் கொண்டு வரும் நடவடிக்கையாக கடந்த ஆண்டு மார்ச் மாதம் தியேட்டர்கள் மூடப்பட்டன. அதன் விளைவாக புதிய படங்களை ரிலீஸ் செய்வதில் சிக்கல் ஏற்பட்டுள்ளது. இந்தச் சிக்கலுக்கு தீர்வுகாணும் நோக்கில் சில படங்கள் ஓடிடி தொழில்நுட்பத்தில் ஆன்-லைனில் ரிலீஸ் செய்யப்பட்டன.

இதையடுத்து, அளிக்கப்பட்ட தளர்வுகளின் அடிப்படையில், தியேட்டர்கள் திறக்கப்பட்டன முதலில் 50 சதவீத இருக்கைகளுக்கு அனுமதியளிக்கப்பட்ட நிலையில், பின்னர் 100 சதவீத பார்வையாளர்களுக்கு அனுமதி அளிக்கப்பட்டது. இதனிடையே, கொரோனா இரண்டாவது அலை பரவல் காரணமாக தியேட்டர்கள் மீண்டும் மூடப்பட்டன.

தற்போது கொரோனா பரவல் குறைந்து வருவதால் படிப்படியாக தளர்வுகள் அளிக்கப்பட்டு வருகின்றன. அதன்படி, படப்பிடிப்புக்கு ஏற்கனவே அனுமதி அளிக்கப்பட்டு விட்டது. ஆனால், தியேட்டர்கள் திறப்புக்கு மட்டும் தடை விதிக்கப்பட்டிருந்தது.

இந்த நிலையில், அமலில் இருக்கும் ஊரடங்கு வருகிற 19ஆம் தேதியுடன் முடிவடையவுள்ள நிலையில், தளர்வுகளுடன் கூடிய கட்டுப்பாடுகள் வருகிற 31ஆம் தேதி வரை நீடிக்கப்பட்டுள்ளன. இந்த முறை தியேட்டர்களை திறக்க அனுமதி வழங்கப்படும் என்று பொதுமக்கள் பெரிதும் எதிர்பார்த்து காத்திருந்தனர். ஆனால், திரையங்குகள் திறக்கத் தடை தொடரும் என்று அறிவிக்கப்பட்டுள்ளது. அதேபோல், பள்ளி, கல்லூரிகள் திறக்க அனுமதியில்லை. நீச்சல் குளங்கள், மதுக்கூடங்கள் திறக்க தொடர்ந்து தடை விதிக்கப்படுவதாகவும் அரசு அறிவித்துள்ளது.