கேரளாவில் அடங்க மறுக்கும் கொரோனா - இன்று 21,427 பேர் பாதிப்பு!

கேரளாவில் அடங்க மறுக்கும் கொரோனா - இன்று 21,427 பேர் பாதிப்பு!

கேரள மாநிலத்தில் இன்று ஒரே நாளில் 21 ஆயிரத்து 427 பேருக்கு புதிதாக கொரோனா வைரஸ் தொற்று உறுதி செய்யப்பட்டுள்ளது.

அண்டை மாநிலமான கேரளாவில் கொரோனா வைரஸ் தொற்றின் இரண்டாவது அலையின் தாக்கம் குறைந்தபாடில்லை. அங்கு தினசரி கொரோனா பாதிப்பு 20 ஆயிரத்திற்கு அதிகமாகவே உள்ளது. கொரோனா பரவலைக் கட்டுப்படுத்த கேரள மாநில அரசும் பல்வேறு நடவடிக்கைகளை எடுத்து வருகிறது. இந்தியாவில் பதிவாகும் தினசரி கொரோனா பாதிப்பு எண்ணிக்கையில் 50 சதவீதம் கேரள மாநிலத்தில் இருந்து தான் பதிவாகிறது.

இந்நிலையில், கேரள மாநிலத்தில் கடந்த 24 மணி நேரத்தில் 21 ஆயிரத்த ு 427 பேருக்கு கொரோனா வைரஸ் தொற்று உறுதி செய்யப்பட்டுள்ளது. மேலும் கொரோனா தொற்றுக்கு சிகிச்சை பெற்று வந்த 179 பேர் சிகிச்சை பலனின்றி உயிரிழந்துள்ளனர்

மாநிலம் முழுவதும் இன்று ஒரே நாளில் மட்டும் 18 ஆயிரத்து 731 பேர் கொரோனா தொற்றிலிருந்து குணமடைந்து வீடு திரும்பியுள்ளனர். கேரள மாநிலத்தில் கொரோனா பாசிட்டிவ் விகிதம் 15.5 சதவீதமாக உள்ளது. கொரோனா தொற்று குறையாததால் மக்கள் அச்சத்தில் உள்ளனர். பொது மக்கள் வெளியே செல்லும் போது கட்டாயம் முகக் கவசம் அணிய வேண்டும் என அறிவுறுத்தப்பட்டுள்ளது.