செப்., 6 வரை ஊரடங்கு நீட்டிப்பு - மாநில அரசு அதிரடி!
ஹரியானா மாநிலத்தில், தளர்வுகளுடன் அமலில் உள்ள ஊரடங்கை, மேலும் பல தளர்வுகளுடன், வரும் செப்டம்பர் மாதம் 6ம் தேதி வரை நீட்டித்து, அம்மாநில அரசு உத்தரவிட்டுள்ளது.
இந்தியாவில், கடந்த சில நாட்களாக, கொரோனா வைரஸ் தொற்றின் இரண்டாவது அலையின் தாக்கம் குறைந்து வருகிறது. இதை அடுத்து
கொரோனா பரவலுக்கு ஏற்ப ஊரடங்கில் பல்வேறு தளர்வுகளை மாநில அரசுகள் அறிவித்து வருகின்றன.
இந்நிலையில், ஹரியானா மாநிலத்தில், தளர்வுகளுடன் அமலில் உள்ள ஊரடங்கை, மேலும் பல தளர்வுகளுடன், வரும் செப்டம்பர் மாதம் 6ம் தேதி வரை நீட்டித்து, அம்மாநில அரசு உத்தரவிட்டுள்ளது. இதன்படி, பல்கலைக்கழகங்கள், கல்லூரிகள் மற்றும் பள்ளிகளில், கொரோனா தடுப்பு நடவடிக்கைகளை பின்பற்றி, மாணவர்களுக்கு பாடம் நடத்தலாம் என
அறிவிக்கப்பட்டுள்ளது.
பல்கலைக்கழகங்கள், கல்லூரிகள், பள்ளிகளில் பணிபுரியும் ஆசிரியர்கள் மற்றும் ஆசிரியர் அல்லாத பணியாளர்கள் விரைவில் கொரோனா தடுப்பூசி போட்டிருக்க வேண்டும். ஏற்கனவே அமலில் உள்ள ஊரடங்கு கட்டுப்பாடுகளுடன், இந்த புதிய ஊரடங்கு கட்டுப்பாடுகள், செப்டம்பர் மாதம் 6ம் தேதி அதிகாலை 5 மணி வரை அமலில் இருக்கும் என அறிவிக்கப்பட்டுள்ளது.
No comments:
Post a Comment