இதுக்கு மட்டும் பணம் எங்கே இருந்து வருது? -ஸ்டாலினுக்கு பாஜக அண்ணாமலை கேள்வி!
தமிழகத்தை ஆண்டுவரும் திமுக அரசு ஆட்சிப் பொறுப்பேற்று 100 நாட்களை அண்மையில் நிறைவு செய்தது. இதனையொட்டி, அரசின் சாதனைகளை விளக்கும் விதமாக பிரபல நாளிதழ்கள் உள்ளிட்ட ஊடகங்களில் முழுபக்க விளம்பரம் வெளியிட்டது. இந்த நிலையில்
இதுதொடர்பாக பாஜக மாநில தலைவர் அண்ணாமலை கேள்வி எழுப்பியுள்ளார்.
'கொரோனாவால் பொருளாதாரம் சரிவை கண்டுள்ள நிலையில், அரசு கடும் நிதி நெருக்கடியில் சிக்கி தவித்து வருகிறது. அரசின் கடன் அளவும் உயர்ந்து கொண்டே வருகிறது. தமிழக அரசின் நிதி நிலவரம் குறித்து, பட்ஜெட் தாக்கலின்போது நிதியமைச்சர் அமைச்சர் தியாகராஜன் விளக்கி இருந்தார்.
தமிழகம் இதற்குமுன் இவ்வளவு பெரிய நிதி பற்றாக்குறையை சந்தித்தது கிடையாது.
இனி என்ன செய்து தமிழக அரசு இந்த கடனை அடைக்க போகிறது என்ற கேள்விக்கு திமுக அரசின் பட்ஜெட்டில் பதில் இல்லை.
அதேசமயம், முக்கியமான தேர்தல் வாக்குறுதிகளை நிறைவேற்ற இயலாமல் போனதற்கு அரசின் மோசமான நிதி நிலைமைதான் காரணம் என கூறும் திமுக அரசு, 100 நாள் சாதனைகளை விவரித்து ஆந்திரா, தெலங்கானா, கர்நாடகா மாநிலங்களின் பத்திரிகைகளில் முழு பக்க விளம்பரங்களை பெரும் பொருட்செலவில் கொடுத்துள்ளது.
மக்கள் நல திட்டங்களை செயல்படுத்த பணம் இல்லை என்று சொல்லும் தமிழக அரசு, பல லட்சம் ரூபாய் செலவில் பிற மாநில மொழி பத்திரிகைகளில் முழு பக்க விளம்பரங்களை எப்படி கொடுக்கிறது' என்று அண்ணாமலை கேள்வியெழுப்பி உள்ளார்.
No comments:
Post a Comment