முதல்வர் ஸ்டாலின் செஞ்ச மாஸான ஒர்க் அவுட்; வைரல் வீடியோ!
திமுக இளைஞரணிச் செயலாளராக இருந்த போதும், அதற்கு முன்பும் தினந்தோறும் உடற்பயிற்சி செய்வதை மு.க.ஸ்டாலின் வாடிக்கையாக கொண்டிருந்தார். அதேசமயம் எந்த உணவ
ை சாப்பிட வேண்டும், எதைத் தவிர்க்க வேண்டும் என்பதிலும் மிகவும் கவனமாக இருக்கக் கூடியவர். அந்தளவிற்கு தனது உடல் ஃபிட்னஸில் ஸ்டாலின் அக்கறை கொண்டிருக்கிறார்.
சைக்கிளிங் பயிற்சி
இந்நிலையில் தமிழக முதல்வராக பதவியேற்பதற்கு முன்பிருந்தே சைக்கிளிங் செய்யும் வழக்கத்தையும் ஏற்படுத்திக் கொண்டார். தனது மருமகன் சபரீசன் உடன் இணைந்து சென்னையில் இருந்து மகாபலிபுரம் வரை காலை நேரத்தில் சைக்கிளிங் செய்து வந்தார். அப்போது பொதுமக்களை சந்தித்து பேசுவது, அவர்களது குறைகளை கேட்பது, அவர்களிடம் இருந்து மனுக்களை பெறுவது என
பயன்படுத்திக் கொண்டார்.
நடைபயிற்சி
இந்த சைக்கிளிங் வீடியோக்கள் சமூக வலைதளங்களில் பெரிதும் வைரலானது. இந்த வழக்கத்தை தமிழக முதல்வரான பிறகும் கடைபிடித்து வருகிறார். தேர்தல் பிரச்சாரத்தின் போது பல்வேறு கிராமங்களுக்கு நடைபயிற்சி சென்று பொதுமக்களை சந்தித்தார்.
ஒர்க் அவுட் வீடியோ
கொரோனா தடுப்பு பணிகளில் தீவிரம் காட்டி வந்த ஸ்டாலின், தினசரி போக முடியவில்லை என்றாலும் கிடைக்கும் நேரங்களில் எல்லாம் சைக்கிளிங் சென்று கொண்டிருக்கிறார். அதேசமயம் தனது வீட்டில் அமைக்கப்பட்டுள்ள
உடற்பயிற்சி கூடத்தில் உடற்பயிற்சி செய்வதையும் வாடிக்கையாக கொண்டுள்ளார்.இந்நிலையில் முதல்வர் மு.க.ஸ்டாலின் உடற்பயிற்சி கூடத்தில் ஒர்க் அவுட் செய்யும் லேட்டஸ்ட் வீடியோ ஒன்று தற்போது வெளியாகியுள்ளது. அதில் மேலிருந்து கீழாக பளுவை இழுக்கும் உடற்பயிற்சி செய்கிறார். இந்த வீடியோவை வைரலாக்கி பலரும் கருத்து பதிவிட்டு வருகின்றனர்.
No comments:
Post a Comment