'இந்தியா டுடே' முதல் 'ஆர்மாக்ஸ்' வரை: எல்லா கருத்து கணிப்பிலும் ஸ்டாலின் முதலிடம்..!

'இந்தியா டுடே' முதல் 'ஆர்மாக்ஸ்' வரை: எல்லா கருத்து கணிப்பிலும் ஸ்டாலின் முதலிடம்..!

பிரபல செய்தி நிறுவனமான இந்தியா டுடே 'மூட் ஆஃப் தி நேஷன்' என்ற தலைப்பில் நடத்திய கருத்துக் கணிப்பை ஆகஸ்ட் 16 அன்று வெளியிட்டது. பல்வேறு காரணங்களுக்கான எடுக்கப்படும் இந்த கருத்து கணிப்பு இந்த முறை சொந்த மாநில மக்களின் மனம் கவர்ந்த முதலமைச்சர்கள் பட்டியலில் யாருக்கு அதிக செல்வாக்கு உள்ளது என்பதுதான். அதன்படி, இந்தியாவில் சொந்த மாநிலங்களில் மிகவும் பிரபலமான முதல்வராக தமிழ்நாட்டின்

மு.க.ஸ்டாலின் 42 சதவீதத்தில் முதலிடத்தை பிடித்துள்ளார்.

அவருக்கு அடுத்தபடியாக ஒடிசா முதல்வர் நவீன் பட்நாயக் 38% பெற்று இரண்டாவது இடத்திலும், கேரளா முதலமைச்சர் பினராயி விஜயன் 35% பெற்று மூன்றாவது இடத்திலும் உள்ளனர்.

4 மற்றும் 5 இடம்

மகாராஷ்டிரா முதல்வர் உத்தவ் தாக்கரே 31% பெற்று நான்காவது இடத்திலும் மேற்கு வங்கம் முதல்வர் மம்தா பானர்ஜி 30% பெற்று ஐந்தாவது இடத்திலும் உள்ளனர்.

6 மற்றும் 7

அசாம் முதல்வர் ஹிமந்தா பிஸ்வா சர்மா மற்றும் உத்தரபிரதேச முதல்வர் யோகி ஆதித்யநாத் முறையே 6 மற்றும் 7 வது இடங்களில் உள்ளனர். அவர்களின் மதிப்பீடு 29%ஆகும்.

அதுபோல, ஜூலை மாதத்திற்கான இந்தியாவின் சிறந்த முதல்வருக்கான கருத்துக் கணிப்பை ஆர்மாக்ஸ் செய்தி நிறுவனம் வெளியிட்டது. இந்த கருத்துக்கணிப்பில் முதல்வர் மு.க.ஸ்டாலின் சிறந்த முதலமைச்சராக முதல் இடத்தை பிடித்துள்ளார்.

ஒடிசா முதல்வர் நவீன் பட்நாயக் மற்றும் கேரளா முதல்வர் பினராயி விஜயன் இரண்டாவது இடத்தில் உள்ளனர். அவர்களைத் தொடர்ந்து 3வது இடத்தில் உத்தரபிரதேசத்தைச் சேர்ந்த யோகி ஆதித்யநாத் மற்றும் மேற்கு வங்கத்தைச் சேர்ந்த மம்தா பானர்ஜி ஆகியோர் உள்ளனர். இரண்டு மாதங்களுக்கு முன் முதலிடத்தில் இருந்த ஆந்திர முதல்வர் ஜெகன் மோகன் ரெட்டி இப்போது 5 வது இடத்திற்கு சரிந்துள்ளார்.

முதல் 5 வரிசைகளில் மூன்று இடத்தை பிடித்த முதல்வர்கள் 3 பேரும் கடந்த மே சட்டசபை தேர்தலில் வெற்றி பெற்றவர்கள் என்பது கவனிக்கத்தக்கது.