10 மாவட்டங்களில் கொட்டும் மழை: உங்க ஊர் வானிலை நிலவரம் எப்படி?

10 மாவட்டங்களில் கொட்டும் மழை: உங்க ஊர் வானிலை நிலவரம் எப்படி?

வளிமண்டல மேலடுக்கு சுழற்சி காரணமாக இன்று முதல் செப்டம்பர் 5ஆம் தேதி வரை தமிழ்நாடு, புதுவை மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யும் என சென்னை வானிலை ஆய்வு மையம் தெரிவித்துள்ளது.

இன்று நீலகிரி, தேனி, திண்டுக்கல், ஈரோடு, தர்மபுரி, கிருஷ்ணகிரி, சேலம், நாமக்கல், திருப்பத்தூர், திருவண்ணாமலை மாவட்டங்களில் ஓரிரு இடங்களில் இடி மின்னலுடன் கூடிய கன மழை பெய்யக்கூடும்.

நாளை நீலகிரி, தேனி, திண்டுக்கல், கிருஷ்ணகிரி, திருப்பத்தூர், வேலூர், திருவண்ணாமலை, கள்ளக்குறிச்சி, செங்கல்பட்டு, காஞ்சிபுரம் மாவட்டங்களில் ஓரிரு இடங்களில் இடி மின்னலுடன் கூடிய கன மழை பெய்யக்கூடும்.

செப்டம்பர் 5ஆம் தேதி நீலகிரி, தேனி, திண்டுக்கல், ஈரோடு, சேலம் மாவட்டங்களில் ஓரிரு இடங்களில் இடி மின்னலுடன் கூடிய கன மழையும்,

செப்டம்பர் 6, 7 ஆகிய தேதிகளில் தமிழ்நாடு, புதுவை மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழையும் பெய்யக்கூடும்.

சென்னையை பொறுத்தவரை அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும், நகரின் ஒருசில பகுதிகளில் லேசான/மிதமான மழை பெய்யக்கூடும். அதிகபட்ச வெப்பநிலை 33 மற்றும் குறைந்தபட்ச வெப்பநிலை 26 டிகிரி செல்சியஸை ஒட்டி இருக்கும்.

கடந்த 24 மணி நேரத்தில் அதிகபட்சமாக ஏத்தாப்பூர் (சேலம்) 13, சேலம், பட்டுக்கோட்டை (தஞ்சாவூர்), மணமேல்குடி (புதுக்கோட்டை) தலா 9, ராசிபுரம் (நாமக்கல்), மதுக்கூர் (தஞ்சாவூர்) தலா 8, முத்துப்பேட்டை (திருவாரூர்), மணப்பாறை (திருச்சிராப்பள்ளி), கரூர் தலா 7, பாப்பிரெட்டிப்பட்டி (தர்மபுரி), அரிமளம் (புதுக்கோட்டை), பேராவூரணி (தஞ்சாவூர்) தலா 6, அரியலூர், புவனகிரி (கடலூர்), செங்கம் (திருவண்ணாமலை) தலா 5, ஊத்துக்குளி (திருப்பூர்), கிருஷ்ணகிரி, நாட்றம்பள்ளி (திருப்பத்தூர்), திருச்செங்கோடு (நாமக்கல்), தலா 4, கொடுமுடி (ஈரோடு), மயிலாடுதுறை (மயிலாடுதுறை), பாலக்கோடு (தர்மபுரி), புதுச்சேரி, வட்டணம் (ராமநாதபுரம்), வேதாரண்யம் (நாகப்பட்டினம்), சிட்டாம்பட்டி (மதுரை), திருத்தணி (திருவள்ளூர்), செட்டிகுளம் (பெரம்பலூர்), தேவகோட்டை (சிவகங்கை), அன்னுர் (கோவை), தலா 3 சென்டிமீட்டர் மழை பதிவாகியுள்ளது.