பிளஸ் டூ மாணவர்களுக்கு சூப்பர் வாய்ப்பு: நாளை முதல் இலவசம்!

பிளஸ் டூ மாணவர்களுக்கு சூப்பர் வாய்ப்பு: நாளை முதல் இலவசம்!

கொரோனா பரவல் காரணமாக பல மாதங்களாக பள்ளிகள், கல்லூரிகள் மூடப்பட்டிருந்த நிலையில் இன்று முதல் திறக்கப்பட்டுள்ளது.

9 முதல் 12ஆம் வகுப்பு மாணவர்களுக்கு நேரடி வகுப்புகள் தொடங்கப்பட்டுள்ள நிலையில் இந்த மாதமே நடுநிலைப் பள்ளி மாணவர்களுக்கும், ஆரம்பப் பள்ளி மாணவர்களுக்கும் நேரடி வகுப்புகள் ஆரம்பமாகும் என தெரிவிக்கப்பட்டுள்ளது.

இந்நிலையில் சென்னையில் 12ஆம் வகுப்பு மாணவர்களுக்கு உயர்கல்வி வழிகாட்டி புத்தகம் இலவசமாக வழங்கப்பட உள்ளது.

பெருநகர சென்னை மாநகராட்சியில்‌ 32 மேல்நிலைப்‌ பள்ளிகள்‌ உள்ளன. இந்த பள்ளிகளில்‌ பயின்ற மாணவர்களுக்கு உயர்கல்வி பயில தேவையான ஆலோசனைகள்‌ இலவசமாக வழங்க பெருநகர சென்னை மாநகராட்சி பல்வேறு நடவடிக்கைகளை மேற்கொண்டு வருகிறது.

அதனடிப்படையில்‌, இன்னர்வீல்‌ கிளப்‌ ஆப்‌ மெட்ராஸ்‌ உடன்‌ இணைந்து தற்போது பன்னிரண்டாம்‌ வகுப்பு படிக்கும்‌ மாணவர்களுக்கு உதவும்‌ வகையில்‌ உயர்கல்விக்கான வாய்ப்புகளையும்‌, எதிர்கால வேலை வாய்ப்புகளையும்‌ வழிகாட்டும்‌ வகையில்‌ 12ஆம்‌ வகுப்பிற்கு பிறகு எண்ண படிக்கலாம்‌, எப்படி ஜெயிக்கலாம்‌ என்ற பயனுள்ள வழிகாட்டி நூலைத்‌ தயாரித்துள்ளது.