விநாயகர் சதுர்த்தி: ரயில் பயணிகளுக்கு செம ஹேப்பி நியூஸ்!

விநாயகர் சதுர்த்தி: ரயில் பயணிகளுக்கு செம ஹேப்பி நியூஸ்!

விநாயகர் சதுர்த்தியையொட்டி பயணிகள் வசதிக்காக 261 சிறப்பு ரயில்கள் இயக்கப்படும் என ரயில்வே அமைச்சகம் அறிவித்து உள்ளது.

நாடு முழுவதும் வரும் 10ம் தேதி விநாயகர் சதுர்த்தி கொண்டப்பட உள்ளது. கடந்த 2020ம் ஆண்டு கொரோனா பொது முடக்கம் காரணமாக கொண்டாட்டம் ஏதும் இன்றி மக்கள் வீடுகளை விட்டு கூட வெளியே வராமல் இருந்தனர். ஆனால், இந்த ஆண்டு சில கட்டுப்படுகளுடன் விநாயகர் சதுர்த்தி கொண்டாட அனுமதி அளிக்கப்பட்டு உள்ளது.

இந்நிலையில், பல்வேறு இடங்களில் வசிக்கும் மக்கள், விநாயகர் சதுர்த்தி அன்று சொந்த ஊர் செல்வதற்கு வசதியாக, 261 சிறப்பு ரயில்களை இயக்க உள்ளதாக, மத்திய ரயில்வே அமைச்சகம் தெரிவித்து உள்ளது. அதன்படி, மத்திய ரயில்வேயில் 201 சிறப்பு ரயில்களும், மேற்கு ரயில்வேயில் 42 சிறப்பு ரயில்களும், கொங்கன் வழித்தடத்தில் 18 சிறப்பு ரயில்களும் இயக்கப்பட உள்ளன. மேலும், இந்த ரயில்கள் செப்டம்பர் மாதம் 20ம் தேதி வரை இயக்கப்படும் என ரயில்வே அமைச்சகம் தெரிவித்து உள்ளது.

ரயில்கள் எங்கிருந்து புறப்படுகிறது; எந்த வழித்தடத்திலிருந்து இயக்கப்படும்; இயக்கப்படும் நேரம் என்ன; ஆகியவை குறித்து www.enquiry.indianrail.gov.in என்ற இணைய தளத்தில் தெரிந்து கொள்ளலாம் என தெரிவிக்கப்பட்டு உள்ளது