கோவில் நிலங்களை அபகரித்தால் குண்டாஸ்: சென்னை உயர்நீதிமன்றம் அதிரடி உத்தரவு!

கோவில் நிலங்களை அபகரித்தால் குண்டாஸ்: சென்னை உயர்நீதிமன்றம் அதிரடி உத்தரவு!

கோவில் நிலத்தை அபகரித்தவர்களுக்கு எதிராக குண்டர் சட்டத்தில் நடவடிக்கை எடுக்க வேண்டும் என தமிழக அரசுக்கு சென்னை உயர் நீதிமன்றம் உத்தரவிட்டு உள்ளது.

டிரஸ்ட்கள் மூலம் நிர்வகிக்கப்பட்டு வந்த, சென்னை மயிலாப்பூரில் உள்ள ஸ்ரீ ஆதிகேசவப் பெருமாள் பேயாழ்வார் கோவிலின் தக்கார் பொறுப்புகள் தன்னிச்சையாக ஏற்கப்பட்டதாக, இந்து சமய அறநிலையத் துறைக்கு தகவல் கிடைத்ததன் அடிப்படையில், கோவில் அறங்காவலர் ஸ்ரீதரன் உள்ளிட்ட அறங்காவலர்கள் தற்காலிகமாக பதவி நீக்கம் செய்யப்பட்டனர். இதற்கான அரசாணையும் அறநிலையத் துறையின் செயலாளர் சந்திரமோகன் வெளியிட்டிருந்தார்.

இதை எதிர்த்து, ஸ்ரீதரன் தரப்பில் சென்னை உயர் நீதிமன்றத்தில் வழக்கு தொடரப்பட்டு இருந்தது. இந்த வழக்கு இன்று உயர் நீதிமன்றத்தில் விசாரணைக்கு வந்தது. அப்போது, கோவில் நிலங்கள் அபகரிப்பு குறித்து நீதிபதிகள் கேள்விகளை எழுப்பினர்.

பிறகு, கோவில் நிலங்களை அபகரிப்பவர்கள் மீது குண்டர் சட்டத்தில் நடவடிக்கை எடுக்க வேண்டுமென தமிழக அரசுக்கு உத்தரவிட்ட நீதிபதிகள், கோவில் நிலம், சொத்து, நகையை மீட்கும் நடவடிக்கையை கண்காணிக்க சிறப்புப் பிரிவை ஏற்படுத்த வேண்டும். சிறப்பு பிரிவுக்கான தொலைபேசி மொபைல், எண்களை கோவில் அலுவலங்களில் வைக்க வேண்டும் என்றும் உத்தரவிட்டனர்.