தமிழக பாஜகவின் புதிய பிரிவில் மாநில தலைவர் நியமனம்..!
தமிழக பாஜகவின் இளைஞர் மேம்பாடு மற்றும் விளையாட்டுத் துறை பிரிவின் மாநில தலைவராக அமர்பிரசாத் நியமிக்கப்பட்டுள்ளதாக அண்ணாமலை தெரிவித்துள்ளார்.
அதுகுறித்து தமிழக
பாஜக தலைவர் அண்ணாமலை இன்று வெளியிட்டுள்ள அறிவிப்பில் கூறப்பட்டுள்ளதாவது'' பிரதமர் நரேந்திர மோடி நாட்டு மக்களுக்கு ஊக்கமும், ஆக்கமும், தன்னம்பிக்கையையும் அளித்து புதியதொரு பாரதத்தை உருவாக்கி வருகிறார்.
புதிய இந்தியாவை படைப்பதற்கு, விளையாட்டு துறைகளில் இருப்போருக்கும் முக்கியத்துவம் அளித்ததன் விளைவாக சமீபத்தில் நடந்து முடிந்த டோக்கியோ ஒலிம்பிக் மற்றும் பாரா ஒலிம்பிக்கில் நமது இந்தியா உலக அரங்கில் தலை நிமிர செய்துள்ளனர்.
அதேபோல, தமிழகத்தில் மிக பெரிய அளவில் இளைஞர்களை ஊக்குவித்து
விளையாட்டு துறையில் சாதனை படைத்து தமிழகத்திற்கு பெருமை சேர்க்கும் வகையில், நரேந்திர மோடியின் பிறந்த நாளில் தமிழக பாஜக ''இளைஞர் மேம்பாடு மற்றும் விளையாட்டு துறை பிரிவு'' என்ற புதிய பிரிவு ஒன்று உருவாக்கப்பட்டு இன்று முதல் அது செயல்பாட்டிற்கு வருகிறது.
கட்சியின் இளைஞர் மேம்பாடு மற்றும் விளையாட்டு துறை பிரிவின் மாநில தலைவராக அமர் பிரசாத் நியமனம் செய்யப்படுகிறார். அவரது பணிகள் சிறக்க வாழ்த்துக்கள்'' என இவ்வாறு அதில் கூறப்பட்டுள்ளது.
No comments:
Post a Comment