முழக்கங்கள் தொடர்கின்றன; முயற்சிகள் வெல்கின்றன: முதல்வர் ஸ்டாலினுக்கு சத்யராஜ் நன்றி!
சட்டப்பேரவையின் விதி எண் 110-ன் கீழ் இரு தினங்களுக்கு முன்னர் முதல்வர்
ஸ்டாலின் வெளியிட்ட அறிவிப்பில், அறிவாசான் தந்தை பெரியார் பிறந்த நாளான செப்டம்பர் 17ஆம் தேதி சமூகநீதி நாளாக கொண்டாட தமிழக அரசு முடிவு செய்துள்ளது. அன்றைய தினம்
தலைமைச் செயலகம், அனைத்து அரசு அலுவலகங்களிலும் உறுதிமொழி ஏற்கப்படும் என்று அறிவித்தார்.
முதல்வரின் இந்த அறிவிப்புக்கு பல்வேறு தரப்பினரும் நன்றி தெரிவித்து வருகின்றனர். அந்தவகையில், பெரியாரின் பிறந்த நாளை சமூக நீதி நாளாக அறிவித்ததற்கு முதல்வர் ஸ்டாலினுக்கு நன்றி தெரிவித்து நடிகர் சத்யராஜ் வீடியோ வெளியிட்டுள்ளார்.
அதில், “பிறப்பால் யாரும் உயர்ந்தவரும் இல்லை தாழ்ந்தவரும் இல்லை
என்று அறப்பால் தந்த ஐயாவின் கருத்தால் கவரப்பட்ட முத்தமிழ் அறிஞர் கலைஞரின் புதல்வருக்கு, பகுத்தறிவு பகலவன் தந்தை பெரியாரின் பிறந்தநாளை
சமூக நீதி நாள் என்று அறிவித்த எங்கள் பெருமைமிகு முதல்வருக்கு நன்றிகள்” என்று தெரிவித்துள்ளார்
No comments:
Post a Comment