சினிமா டிக்கெட் முன்பதிவிற்கு ஒரே இணையதளம்; மாநில அரசு செம சர்ப்ரைஸ்!

சினிமா டிக்கெட் முன்பதிவிற்கு ஒரே இணையதளம்; மாநில அரசு செம சர்ப்ரைஸ்!

நாடு முழுவதும் ஆயிரக்கணக்கான

தியேட்டர்கள் செயல்பட்டு வருகின்றன. இதில் ஏராளமான கிளைகளைக் கொண்டு செயல்படும் பெரு முதலாளிகளின் செயின் தியேட்டர்கள் இருக்கின்றன. சிறிய அளவிலான தியேட்டர்களும் உள்ளன. பெரு நிறுவன தியேட்டர்கள் (PVR Cinemas, Inox Movies etc.,) தனியாக இணையதளத்தை வைத்து டிக்கெட் விற்பனை உள்ளிட்ட வசதிகளை அளித்து வருகின்றன. சிறிய அளவிலான தியேட்டர்களை ஒருங்கிணைக்கும் வகையில் ticketnew, bookmyshow, paytm உள்ளிட்ட தளங்கள் டிக்கெட் விற்பனையை மேற்கொண்டு வருகின்றன.

ஆந்திர அரசு புதிய முயற்சி

இவ்வாறு தியேட்டரில் படம் பார்க்க டிக்கெட் முன்பதிவு செய்ய கூகுளில் தேடினால், ஏராளமான இணையதளங்கள் வரிசை கட்டி வந்து நிற்கும். இந்நிலையில் முதல்வர் ஜெகன்மோகன் ரெட்டி தலைமையிலான ஆந்திர மாநில அரசு புதிய முயற்சியை கையிலெடுத்துள்ளது. அதாவது ஆந்திர மாநிலத்தில் உள்ள அனைத்து தியேட்டர்களுக்கும் டிக்கெட் முன்பதிவு செய்ய ஒரே இணையதளத்தை உருவாக்க முடிவு செய்துள்ளது. இதற்கான பணிகள் தொடங்கப்பட்டு இறுதிக் கட்டத்தை எட்டியுள்ளதாக தகவல்கள் தெரிவிக்கின்றன.

சினிமா டிக்கெட் முன்பதிவு

இதையொட்டி உயர்மட்ட குழு ஒன்று அமைக்கப்பட்டு திரைப்பட டிக்கெட் முன்பதிவு செய்யும் மாநில அரசின் இணையதளம் உருவாக்கும் பணிகள் முடுக்கி விடப்பட்டுள்ளன. இந்த குழுவிற்கு மாநில உள்துறை முதன்மை செயலாளர் தலைமை வகிப்பார். மேலும் ஐடி மற்றும் தகவல்தொழில்நுட்பத் துறை, வர்த்தக வரித்துறை செயலாளர்கள், மாநில தொழில்நுட்ப சேவைப் பிரிவின் நிர்வாக இயக்குநர், கிருஷ்ணா மற்றும் குண்டூர் மாவட்ட இணை ஆட்சியர்கள், ஐடி துறையின் சிறப்பு செயலாளர் ஆகியோர் இடம்பெறுவர்.

விரைவில் இணையதளம் தொடக்கம்

முன்னதாக ஆந்திர மாநில அரசின் சார்பில் பேருந்துகளை முன்பதிவு செய்ய APSRTC என்ற இணையதளம் செயல்பட்டு வருகிறது. இதைப் போலவும் மத்திய அரசின் IRCTC இணையதளம் போன்றும் ஒரே பொது இணையதளத்தை உருவாக்க ஆந்திர அரசு நடவடிக்கை மேற்கொண்டுள்ளது. பெரிய பட்ஜெட் படங்கள் வெளியாகும் போது சினிமா டிக்கெட் விலை தாறுமாறாக உயர்த்தப்படுவதாக குற்றச்சாட்டுகள் எழுந்த வண்ணம் இருக்கின்றன. இதனை ஒழுங்குபடுத்தும் வகையில் தான் மாநில அரசு இத்தகைய நடவடிக்கை எடுத்துள்ளதாக கூறப்படுகிறது.

இந்நிலையில் அரசின் டிக்கெட் முன்பதிவு இணையதளம் பயன்பாட்டிற்கு வந்தவுடன் அனைத்து மக்களும் கட்டுப்படியான விலையில் திரைப்படங்கள ை பார்க்க வழி ஏற்படும் என்று தெரிவிக்கப்பட்டுள்ளது. ஏற்கனவே ஏசி டிக்கெட்கள், ஏசி அல்லாத சினிமா டிக்கெட்கள், மல்டிபிளக்ஸ் தியேட்டர்களின் டிக்கெட் விலையை கட்டுக்குள் கொண்டு வரும் வகையில் மாநில அரசு உத்தரவு ஒன்றை பிறப்பித்திருந்தது. இதன் தொடர்ச்சியாக புதிய இணையதளத்தை உருவாக்கி வருகிறது.