கேமராமேனை காப்பாற்ற உயிரைவிட்ட அமைச்சர்! - சோகத்தில் பிரபல நாடு!
ரஷ்ய நாட்டின் அவசரகால அமைச்சராக இருந்தவர் எவ்ஹெனி ஜினிசேவ். வயது 55. இவரது தலைமையில் ஆர்க்டிக் பகுதியில் உள்ள நகரான நாரில்ஸ்கில் துறை
ரீதியான பயிற்சி ஒருங்கிணைக்கப்பட்டிருந்தது. இதில் 6 ஆயிரம் பேர் பங்கேற்று இருந்தனர். இந்த நிகழ்ச்சியைப் பல்வேறு ஊடகங்களும் செய்தியாக்கி வெளியிட்டு வந்தன.
இந்நிலையில் இந்த பயிற்சிப் பட்டறை குறித்து செய்தி சேகரிக்கச் சென்றிருந்த கேமரா மேன் ஒருவர் அமைச்சர் எவ்ஹெனி ஜினிசேவுடன் பேசிக் கொண்டிருந்தார். அப்போது அந்த கேமரா மேன் மலை உச்சியிலிருந்து தவறி விழுந்தார். அவரைக் காப்பாற்ற முயற்சித்து மலை உச்சியிலிருந்து தண்ணீரில் குதித்த அமைச்சர் எவ்ஹெனி ஜினிசேவும் உயிரிழந்தார்.
இது குறித்து
ரஷ்யா அரசு வெளியிட்டுள்ள செய்தியில் தெரிவித்து உள்ளதாவது:
அமைச்சர் எவ்ஹெனி ஜினிசேவும், கேமரா மேனும் மலை உச்சியில் நின்று கொண்டிருந்தனர். அப்போது, கேமரா மேன் திடீரென தவறி விழுந்தார். அங்கே என்ன நடக்கிறது என்று மற்றவர்கள் உணர்வதற்குள் ஜினிசேவும் மலை உச்சியில் இருந்து கீழே உள்ள தண்ணீரில் குதித்தார். ஆனால் அங்கே வெளியே நீட்டிக் கொண்டிருந்த பாறை ஒன்றில் அவரது தலை மோதியது. இதில் அவர் உயிரிழந்தார்.
No comments:
Post a Comment