நீட் தேர்வை எப்படி ரத்து செய்றாங்கன்னு பார்ப்போம்... திமுகவுக்கு பாஜக சவால்!
மோடி இலவச மருத்துவ உதவி மையத்தினை குடிசை மாற்று வாரிய குடியிருப்பில் உள்ள ஒரு வீட்டில் இன்று தொடங்கப்பட்டது. சென்னை தி.நகர் ஆயிரம் விளக்கு பகுதிகளில் உள்ள குடியிருப்பு பகுதியில் பாஜக மாநில துணை தலைவர் வி.பி. துரைசாமி கலந்துகொண்டு இந்த மையத்தை திறந்து வைத்தார்.
அதன் பின்னர் அவர் செய்தியாளர்களிடம் கூறியது:
நீட் தேர்வை ரத்து செய்ய ,புதிய சட்டம்
இயற்ற திமுக திட்டமிட்டுள்ளது. ஆனால் நீட் தேர்வை ரத்து செய்ய தமிழக அரசுக்கு உரிமை கிடையாது. காரணம் நீட் தேர்வை நடத்துவது மத்திய அரசு தான்; மாநில அரசு அல்ல.
நீட்'w பொறுத்தவரை இந்தியாவில் இருக்கும் பிற மாநிலங்கள் ஏற்று கொண்ட பிறகு ஒரு மாநிலம் மட்டும் இப்படி செய்வது ஏற்றுக்கொள்ள முடியாது. இது அவர்கள் தேர்தல் வாகுறுதிக்காக கூறியது.
சிலிண்டர் விலை ஏற்றம் என்றாலே மக்களுக்கு பாதிப்பு தானே; அது பற்றி மேலும் பேச விரும்பவில்லை.
கொரோனா காலகட்டத்தில் அரசின் எந்த நிறுவனமும் இயங்கவில்லை.
அரசாங்கம் நஷ்டத்தில் இயங்கியது. எனவே அதை ஈடுகட்டுவதற்காக பொது துறை நிறுவனங்களை வாடகைக்கு விடுகிறார்கள். ஏதோ பொதுத்துறை நிறுவனங்கள் மொத்தமாக விற்பது போல ராகுல் காந்தியும், காங்கிரஸ் கட்சியினரும் பேசி வருகின்றனர் ன்று துரைசாமி தெரிவித்தார்.
சென்னையில் இன்று தொடங்கப்பட்டுள்ள மோடி இலவச மருத்துவ உதவி மையத்தின் மூலமாக தாமஸ் காலனியில் வசிக்கும் மக்கள் மருத்துவ வசதி பெறலாம்.
No comments:
Post a Comment