ஒமைக்ரான் எதிரொலி - 3 நாட்களில் 11,500 விமானங்கள் ரத்து!

ஒமைக்ரான் எதிரொலி - 3 நாட்களில் 11,500 விமானங்கள் ரத்து!

உலகம் முழுவதும் 11 ஆயிரத்து 500 விமானங்கள் ரத்து செய்யப்பட்டு உள்ளன

உலகின் பல நாடுகளில் கொரோனா வைரஸ் மீண்டும் வேகமெடுக்க தொடங்கி உள்ளது. அமெரிக்கா, இங்கிலாந்து, பிரிட்டன், பிரானஸ் உள்ளிட்ட நாடுகளில் தினசரி கொரோனா பாதிப்பு 1 லட்சத்துக்கும் மேல் பதிவாகி உள்ளது. இத்தாலி, துருக்கி, ரஷ்யா உள்ளிட்ட நாடுகளிலும் ஓமைக்ரான் பரவல் அதிகரித்து வருகிறது. உலக அளவில் ஒமைக்ரான் பாதிப்புக்கு ஆளாகும் எண்ணிக்கை கணிசமாக உயர்ந்து வருவதால் பயணிகள் விமான சேவை கடுமையாக பாதிக்கப்பட்டு உள்ளது.

அந்த வகையில் உலகம் முழுவதும் கிறிஸ்துமஸ் பண்டிகைக்கு முந்தைய நாள், கிறிஸ்துமஸ், கிறிஸ்துமஸ் பண்டிகைக்கு அடுத்த நாள் ஆகிய 3 நாட்களில் மட்டும் சுமார் 6 ஆயிரம் விமானங்கள் ரத்து செய்யப்பட்டன. இதனால் பண்டிகை கொண்டாட சொந்த நாடு செல்ல இருந்த பல பயணிகள் தவிப்புக்கு ஆளாகினர்.

இந்த நிலையில் வரும் வெள்ளிக்கிழமை வரை 11,500 விமானங்கள் ரத்து செய்யப்பட்டு உள்ளதாக தகவல்கள் வெளியாகி உள்ளன. அமெரிக்காவின் யூனைடெட், டெல்டா மற்றும் ஜெட்பூளு ஆகிய 3 விமான நிறுவனங்கள் 10 சதவீதத்துக்கும் அதிகமான விமானங்களை ரத்து செய்ததாக தெரிவிக்கப்பட்டு உள்ளது.