தினசரி கொரோனா பாதிப்பில் சென்னையை மீண்டும் விஞ்சிய கோவை!

தினசரி கொரோனா பாதிப்பில் சென்னையை மீண்டும் விஞ்சிய கோவை!

கோவையில் கொரோனா பாதிப்பு அதிகரித்துள்ளது

தமிழகத்தில், இன்று ஒரே நாளில், 605 பேருக்கு கொரோனா வைரஸ் தொற்று உறுதி செய்யப்பட்டு உள்ளது.

தமிழக சுகாதாரத் துறை இன்று வெளியிட்டுள்ள மருத்துவ அறிக்கையில் கூறப்பட்டு உள்ளதாவது:

அண்டை மாநிலங்களில் இருந்து தமிழகம் வந்தவர்கள் உட்பட இன்று புதிதாக, 605 பேர் கொரோனா வைரஸ் தொற்றால் பாதிக்கப்பட்டு உள்ளனர். இவர்களில், 363 பேர் ஆண்கள். 242 பேர் பெண்கள். இதன் மூலம் பாதிக்கப்பட்டோரின் எண்ணிக்கை 27 லட்சத்து 40 ஆயிரத்து 411 ஆக அதிகரித்து உள்ளது.

இன்று மட்டும் 697 பேர் கொரோனா தொற்றிலிருந்து குணமடைந்த நிலையில், இதுவரை குணமடைந்தவர்களின் மொத்த எண்ணிக்கை 26 லட்சத்து 96 ஆயிரத்து 553 ஆக அதிகரித்துள்ளது. தற்போதைய நிலவரப்படி, மாநிலம் முழுவதும், 7 ஆயிரத்து 172 பேர் கொரோனா தொற்றுக்கு சிகிச்சை பெற்று வருகின்றனர்.
இவ்வாறு மருத்துவ அறிக்கையில் தெரிவிக்கப்பட்டு உள்ளது.

தலைநகர் சென்னையில், இன்று ஒரே நாளில், 126 பேருக்கு நோய்த் தொற்று கண்டறியப்பட்டுள்ளது. கோவை மாவட்டத்தில், 97 பேருக்கு கொரோனா பாதிப்பு உறுதி செய்யப்பட்டுள்ளது. சென்னை மாவட்டத்தில் நேற்று 129 ஆக இருந்த கொரோனா பாதிப்பு இன்று, 126 ஆக சற்று குறைந்து உள்ளது. கோவை மாவட்டத்தில், நேற்று 95 ஆக இருந்த பாதிப்பு, இன்று 97 ஆக அதிகரித்துள்ளது.

தமிழகம் முழுவதும் கொரோனா தொற்றுக்கு சிகிச்சை பெற்று வந்த 6 பேர் உயிரிழந்து உள்ளனர். 2 பேர் தனியார் மருத்துவமனைகளிலும், 4 பேர் அரசு மருத்துவமனைகளிலும் உயிரிழந்து உள்ளனர். இதன் மூலம் கொரோனாவால் உயிரிழந்தவர்களின் மொத்த எண்ணிக்கை 36 ஆயிரத்து 686 ஆக அதிகரித்து உள்ளது.