தன் அறக்கட்டளை சார்பாக ஆயிரம் பேருக்கு உதவிய நடிகர்..பாராட்டும் மக்கள்..!
சோனு சூட் தனது அறக்கட்டளை சார்பாக 1000 பெண்களுக்கு மிதிவண்டி வழங்கினார்.
இந்திய திரையுலக ஹீரோக்களில் ரியல் ஹீரோவென்று மக்களால் போற்றப்படுபவர் சோனு சூட். இந்தியாவில் எந்த மூலையில் பேரிடர் நடந்தாலும் உதவுவதற்கு முதல் ஆளாக போய் நிற்பார்.
கொரோனா காலங்களில் சொந்த ஊர் செல்ல போக்குவரத்து வசதியின்று தவித்த தொழிலாளர்களை தன் சொந்த செலவில் அவரவர் ஊர்களுக்கு அனுப்பிவைத்தார். மேலும் மக்களுக்கு எந்த வகையில் உதவி வேண்டுமோ அதை தாமாகவே கேட்டு அவர்களுக்கு உதவிக்கரம் நீட்டினார்.
இந்நிலையில் தனது சொந்த ஊரான பஞ்சாப் மாநிலம் மோகாவை சார்ந்த ஆயிரம் இளம் பெண்களுக்கு இலவசமாக மிதிவண்டி தந்து உதவியுள்ளார் சோனு சூட். தன் சகோதரி மாளவிகாவுடன் சேர்ந்து தன் அறக்கட்டளை சார்பாக பள்ளி செல்லும் பெண்கள் மற்றும் முன்களப்பணியாள பெண்கள் ஆயிரம் பேருக்கு மிதிவண்டி வழங்கியுள்ளார்.
இவ்வுதவியினால் மோகா நகரை சார்த்த 40 கிராம பெண்கள் பயனடைந்துள்ளனர். கிராமத்திலிருந்து பள்ளிக்கு செல்லும் பெண்கள் மற்றும் முன்கள பணிக்கு செல்லும் பெண்கள் தொலைதூரம் செல்லவேண்டியுள்ளது. போக்குவரத்து வசதியும் பெரிதாக இல்லாத கிராமம் என்பதால் இவ்வுதவியை செய்ததாக சோனு சூட் குறிப்பிட்டுள்ளார்.
மேலும் மோகா நகரில் வறுமைகோட்டிற்கு கீழுள்ள 8 முதல் 12 ஆம் வகுப்பு பயிலும் பெண்களை தேர்ந்தெடுக்க அரசு பள்ளி ஆசிரியர்கள் உதவியுள்ளனர்.தேர்ந்தெடுத்த பள்ளி பெண்களுக்கும் முன்கள பணியாள பெண்களுக்கும் தன் அறக்கட்டளை சார்பாக ஆயிரம் மிதிவண்டியை வழங்கினார். இச்செயலினால் சோனு சூட்டை அனைவரும் மனதார பாராட்டிவருகின்றனர்.
No comments:
Post a Comment