IPL 2022: வார்னருக்கு ‘செம்ம ஜாக்பாட்’…பெரிய தொகைக்கு வாங்கிய ஐபிஎல் அணி? விபரம் இதோ!
டேவிட் வார்னரை ஐபிஎல் அணி பெரிய தொகைக்கு வாங்கியிருப்பதாகத் தகவல் வெளியாகியுள்ளது.
ஆஸ்திரேலிய அணி வீரர் டேவிட் வார்னர், அவ்வபோது இந்திய சினிமா பாடல்களுக்கு நடனமாடி, இந்தியாவில் தனக்கென தனி ரசிகர் பட்டாளத்தை உருவாக்கி வைத்துள்ளார். பேட்டிங்கிலும் எந்த குறையும் இல்லாமல் அதிரடியாகத்தான் விளையாடி வந்தார். ஆனால், கடந்த சீசனிலும் மட்டுமே பெரிய அளவில் சோபிக்கவில்லை. தொடர்ந்து சொதப்பி வந்ததால், தொடரின் பாதியிலேயே அவரது கேப்டன் பதவி பறிக்கப்பட்டது.
இதனைத் தொடர்ந்து XI அணியிலிருந்தும் நீக்கப்பட்டார். XI அணியை தேர்வு செய்வதில் நிர்வாகத்திற்கும், வார்னருக்கும் இடையே கருத்து வேறுபாடுகள் இருந்ததால்தான், வார்னர் ஓரம்கட்டப்பட்டார் என தகவல் வெளியாகி வந்தது. இதனைத் தொடர்ந்து சன் ரைசர்ஸ் ஹைதராபாத் அணி பங்கேற்ற போட்டிகளை காண, பார்வையாளராக மட்டும் வந்து அவர் அமர்ந்தது, ரசிகர்கள் மத்தியில் கொந்தளிப்பை ஏற்படுத்தியது. மேலும், நிர்வாகத்திற்கும், வார்னருக்கும் இடையில் பிரச்சினை இருந்தது உறுதியானது.
தக்கவைப்பு:
இதனைத் தொடர்ந்து சன் ரைசர்ஸ் ஹைதராபாத் அணி அவரை தக்கவைக்காமல் கழற்றிவிட்டது. அடுத்து, அவர் பல அணிகளுடன் பேச்சு வார்த்தை நடத்தினார். இதனை அவரே ஒப்புக்கொண்டார். இந்நிலையில் அகமதாபாத் அணி டேவிட் வார்னரை தக்கவைக்க உள்ளதாக தகவல் வெளியாகியுள்ளது. இவருக்கு 10 கோடிகள் வரை கொடுக்கப்பட்டு துணைக் கேப்டனாகவும் நியமிக்கவுள்ளதாகக் கூறப்படுகிறது.
மேலும் கேப்டனாக ஷ்ரேயஸ் ஐயரையும், ஹார்திக் பாண்டியாவையும் அந்த அணி தக்கவைத்துள்ளதாகச் செய்திகள் வெளியாகி வருகின்றன. விரைவில் அதிகாரப்பூர்வ அறிவிப்பு வெளியாகலாம் எனக் கருதப்படுகிறது.
No comments:
Post a Comment